ەلىمىزدىڭ وكىلدى ورگاندارىنا «AMANAT» كانديداتتارى 75% جاڭاردى. بۇگىن «AMANAT» پارتياسىنىڭ كەزەكتەن تىس XXV سەزى ءوتتى. ءىس-شاراعا 2000-نان استام ادام قاتىستى. ولاردىڭ ىشىندە ساياسي كەڭەس مۇشەلەرى، ءماجىلىستىڭ VII شاقىرىلىمىنىڭ بۇرىنعى دەپۋتاتتارى، وڭىرلەردەن كەلگەن دەلەگاتتار، پارتيانىڭ «جاستار رۋحى» جاستار قاناتىنىڭ مۇشەلەرى، سونداي-اق ساراپشىلار، ۇكىمەتتىك ەمەس ۇيىمداردىڭ، باق وكىلدەرى جانە باسقالار بار.
«AMANAT» توراعاسى ەرلان قوشانوۆ ءوز سوزىندە از عانا ۋاقىتتىڭ ىشىندە پارتيا قوعامنىڭ جاڭا سۇرانىستارىنا سايكەس وزگەرگەنىن اتاپ ءوتتى.
«پارتياعا تۇپكىلىكتى ترانسفورماتسيا جاساپ، قۇرعاق ۋادە مەن جالاڭ ۇرانداردان ارىلدىق. سوزدەن ناقتى ىسكە كوشىپ، ساياسي الاڭدا دا، قوعامدىق جۇمىستا دا بارىنشا ىسىلدىق، شىڭدالدىق. شىن مانىندە مەملەكەت باسشىسىنىڭ قوعامدىق تىرەگىنە، ەلدەگى تۇبەگەيلى رەفورمالاردىڭ قوزعاۋشى كۇشىنە اينالا بىلدىك. ەڭ باستىسى، «AMANAT» پارتياسى قىسىلتاياڭ ساتتەردە ءاردايىم حالقىمىزبەن بىرگە بولدى»,- دەدى ول.
«AMANAT» پارتياسى بارلىق دەڭگەيدەگى ماسليحاتتارعا 3821, ماجىلىسكە 119 كانديدات ۇسىندى. ەلىمىزدىڭ بارلىق وكىلدى ورگانىنا ۇسىنىلاتىن «AMANAT» پارتيالىق قۇراماسى 75%-عا جاڭاردى. ولار – پرەزيدەنت رەفورمالارى مەن پارتيا باعىتىن جۇزەگە اسىرۋعا قابىلەتتى جارقىن كوشباسشىلاردىڭ جاڭا توبى. بۇل قۇرامدا بارلىق ءوڭىردىڭ، بارلىق سالانىڭ وكىلدەرى بار. ناعىز مەملەكەتشىل، پاتريوت ازاماتتار. ءبىزدىڭ ۇمىتكەرلەر پارتيانى ءادىل دە تازا جەڭىسكە باستايدى دەپ كامىل سەنەمىن. ويتكەنى، ولاردىڭ ارتىندا وزدەرىڭىزدەي ادال پارتيالاستار مەن قالىڭ ورمان حالقىمىز بار», - دەدى ەرلان قوشانوۆ.
ءوز كەزەگىندە ءماجىلىستىڭ VII شاقىرىلىمىنىڭ بۇرىنعى دەپۋتاتى ەدىل جاڭبىرشين ەكونوميكاسى مىقتى ءادىل قوعام قۇرۋ ءۇشىن ەڭ الدىمەن اۋىلدى اياعىنان تۇرعىزۋ قاجەت دەپ ەسەپتەيدى.
«اۋىلدا حالقىمىزدىڭ ەلۋ پايىزى تۇرادى. «AMANAT» پارتياسى ارقاشان اۋىلعا اسا ءمان بەرىپ، ونداعى اعايىننىڭ ەش نارسەگە مۇقتاج بولماۋىن قامتاماسىز ەتۋدى وزىنە مىندەت ەتىپ وتىر. ۇلتتىق بولمىسىمىزدى ساقتاۋدىڭ، حالقىمىزدى تارىداي شاشىپ الماۋدىڭ ءبىر جولى – ول اۋىلداردىڭ ينفراقۇرىلىمىن دامىتۋ. وسى ماقساتتى ىسكە اسىرۋ ءۇشىن «AMANAT» پارتياسى الداعى بەس جىلدا جۇيەلى جۇمىس ىستەيدى. سونداي-اق، جەكە شارۋاشىلىقتاردى قولداۋ ءۇشىن «اۋىل اماناتى» جوباسىن باستاپ كەتتىك»، - دەدى ول.
22 جاسىندا الماتى قالاسى ءماسليحاتىنىڭ وتكەن شاقىرىلىمىنىڭ دەپۋتاتى بولعان پاراليمپياداشى سەرىك ەسماتوۆ قوعامنىڭ يگىلىگى ءۇشىن ەڭبەك ەتۋ ءاربىر قازاقستاندىقتىڭ قولىنان كەلەتىنىن اتاپ ءوتتى.
«ەكى اياعىمنان ايىرىلسام دا، ءومىرىمدى وزگەرتە الدىم جانە ەلىمىزدى جاقسى جاققا وزگەرتكىم كەلەدى. زاماناۋي جانە ادىلەتتى قازاقستاندى قۇرۋ ىسىنە بۇكىل قوعامنىڭ اتسالىسۋى ماڭىزدى»، - دەدى سەرىك ەسماتوۆ.
پىكىر الماسۋدان جانە داۋىس بەرۋ راسىمىنەن كەيىن «AMANAT» پارتياسىنىڭ كەزەكتەن تىس XXV سەزىنىڭ شەشىمىمەن پارتيالىق تىزىمدەر مەن ءبىرمانداتتى اۋماقتىق سايلاۋ وكرۋگتەرى بويىنشا سايلاناتىن ءماجىلىس دەپۋتاتتىعىنا كانديداتتاردىڭ ءتىزىمىن جانە پارتيانىڭ سايلاۋالدى باعدارلاماسىن بەكىتتى.
سايلاۋالدى باعدارلامانىڭ تولىق ءماتىنى ۇگىت-ناسيحات كەزەڭىنىڭ العاشقى كۇنىندە جاريالانىپ، پارتيانىڭ سايتىندا ورنالاستىرىلادى.
"ادىرنا" ۇلتتىق پورتالى
