اقتاۋدا وتكەن NOMAD MMA تۋرنيرىندە 17 جاستاعى سپورتشى قايتىس بولدى. بۇل تۋرالى Lada.kz جاريالادى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، قايعىلى وقيعا 31 ناۋرىزدا "باتىر" سپورت كەشەنىندە NOMAD MMA بويىنشا بالالار، جاسوسپىرىمدەر، جاستار جانە ەرەسەكتەر اراسىنداعى وبلىستىق چەمپيونات كەزىندە بولعان.
قايتىس بولعان سپورتشىنىڭ قارسىلاسىمەن جەكپە-جەگى تۇسىرىلگەن ۆيدەو الەۋمەتتى جەلىدە تاراپ كەتتى.
The Nomad MMA فەدەراتسياسىنىڭ ايتۋىنشا، مارقۇمنىڭ دەنساۋلىعىنىڭ جارامدى ەكەنى تۋرالى ارنايى مەديتسينالىق انىقتاماسى بولعان.
"جەكپە-جەك كەزىندە 17 جاستاعى سپورتشى قۇلاپ قالدى. سپورتشىعا العاشقى كومەكتى "باتىر" سپورت كەشەنىنىڭ مەديتسينالىق قىزمەتكەرلەرى كورسەتتى، وقيعا ورنىنا جەدەل جاردەم كەلدى، بىراق، وكىنىشكە وراي، ءجاسوسپىرىمدى قۇتقارا المادى. تۋرنير باستالماس بۇرىن جاتتىقتىرۋشى ءوتىنىم بەرگەن كەزدە قاتىسۋشىنىڭ جارىسقا دايىندىعىن راستايتىن مەديتسينالىق انىقتاماسى بولدى. قازىرگى ۋاقىتتا تەرگەۋ ءجۇرىپ جاتىر، ونىڭ شەڭبەرىندە قۇزىرەتتى ورگاندار بولعان وقيعانىڭ بارلىق ءمان-جايىن زەرتتەيدى", - دەدى فەدەراتسيا.
ايتا كەتەيىك، Nomad MMA – ارالاس جەكپە-جەك ستيلىندەگى سپورت ءتۇرى، وندا جاۋىنگەرلەر قولمەن جانە اياقپەن سوققى تەحنيكاسىن، سونداي-اق كۇرەس تەحنيكاسىن پايدالانا وتىرىپ، ايقاسادى. جالپى تۋرنيرگە 300-گە جۋىق سپورتشى قاتىسقان.
