يندۋستريا جانە ينفراقۇرىلىمدىق دامۋ ۆيتسە-ءمينيسترى لاۋازىمىنا ازامات بەيىسبەكوۆ تاعايىندالدى. بۇل تۋرالى پرەمەر-ءمينيستردىڭ ءباسپاسوز قىزمەتى جاريالادى، دەپ حابارلايدى “ادىرنا” ۇلتتىق پورتالى.
ازامات بەيىسبەكوۆ 1985 جىلى قاراعاندى قالاسىندا دۇنيەگە كەلگەن.
ەبىنەي بوكەتوۆ اتىنداعى قاراعاندى مەملەكەتتىك ۋنيۆەرسيتەتىن تامامداعان. ول – پرەزيدەنتتىك جاستار كادر رەزەرۆىنىڭ مۇشەسى.
ەڭبەك جولىن 2006 جىلى كەدەندىك باقىلاۋ كوميتەتى كەدەندىك راسىمدەۋ مامانىنىڭ مىندەتىن اتقارۋشى بولىپ باستادى.
2009-2011 جىلدارى – يندۋستريا جانە جاڭا تەحنولوگيالار مينيسترلىگى يندۋستريالىق ساياسات جانە ستراتەگيالىق جوسپارلاۋ دەپارتامەنتتەرىنىڭ ساراپشىسى، باس ساراپشىسى;
2011-2012 جىلدارى – پرەمەر-ءمينيسترى كەڭسەسى يندۋستريالىق-يننوۆاتسيالىق دامۋ ءبولىمىنىڭ باس ساراپشىسى;
2012-2015 جىلدارى پرەزيدەنت اكىمشىلىگىنىڭ ستراتەگيالىق ازىرلەمەلەر جانە تالداۋ ورتالىعىندا ءتۇرلى لاۋازىمداردا جۇمىس ىستەدى.
2015-2020 جىلدارى – قاۋىپسىزدىك كەڭەسى اسكەري قاۋىپسىزدىك جانە قورعانىس ءبولىمىنىڭ كونسۋلتانتى، ينسپەكتورى، سەكتور مەڭگەرۋشىسى;
2020-2022 جىلدارى قاۋىپسىزدىك كەڭەسىنىڭ اسكەري قاۋىپسىزدىك جانە قورعانىس ءبولىمى مەڭگەرۋشىسىنىڭ ورىنباسارى بولدى.
2022 جىلعى ماۋسىمنان باستاپ وسى ۋاقىتقا دەيىن ەڭبەك جانە حالىقتى الەۋمەتتىك قورعاۋ مينيسترلىگى اپپاراتىنىڭ باسشىسى قىزمەتىن اتقارعان.
ايتا كەتەيىك، بۇعان دەيىن وسى قىزمەتتە بولعان ەرجان مىرزاباەۆ بەرگەن وتىنىشىنە سايكەس قىزمەتىنەن بوساتىلدى.
