ءال-فارابي اتىنداعى قازاق ۇلتتىق ۋنيۆەرسيتەتى شىعىستانۋ فاكۋلتەتى تاياۋ شىعىس جانە وڭتۇستىك ازيا كافەدراسىنىڭ اراب ءبولىمىنىڭ وقىتۋشىلارىنان قۇرالعان دەلەگاتسيا 07.01.2023-14.01.2023 ۋاقىت ارالىعىندا ساۋد ارابيا كورولدىگىنىڭ استاناسى ەر-رياد قالاسىنداعى كورول ءسالمان اتىنداعى دۇنيەجۇزىلىك اكادەميانىڭ ارنايى شاقىرتۋىمەن جانە شىعىستانۋ فاكۋلتەتىندەگى ارابتانۋ ورتالىعىنىڭ ۇيلەستىرۋىمەن اراب ءتىلى وقىتۋشىلارىنىڭ بىلىكتىلىگىن ارتتىرۋعا ارنالعان حالىقارالىق سەمينارعا قاتىستى.
بىزبەن بىرگە قازاقستاننان ابىلاي حان اتىنداعى الەم تىلدەرى مەن حالىقارالىق قاتىناستار جانە نۇر-مۇباراك ەگيپەت يسلام مادەنيەتى ۋنيۆەرسيتەتتەرىنەن ۇستازدار قاتىستى. اكادەميانىڭ باس حاتشىسى دوكتور ابدۋللا بين ساليح ءال-ءۋاشمي باستاعان ۇجىمى وتە جىلى قارسى الىپ، كەڭ قوناقجايلىلىقتارىن كورسەتىپ كۇتتى.
اكادەميا 2020 جىلدان باستاپ قانا قۇرىلعان. سونىڭ وزىندە زاماننىڭ بارلىق تالاپتارىنا ساي بازاسى جابدىقتالعان. پاندەميادان كەيىنگى وفلاين فورماداعى شەتەلدىكتەرگە ارنالىپ وتكىزىلگەن ەڭ العاشقى شاراسى بىزگە وتكىزگەن سەمينارلارى بولدى. اكادەميا سەميناردى زاماناۋي تالاپتار مەن ادىستەمەلەرگە ساي ەتىپ، وتە جوعارى دەڭگەيدە وتكىزدى.
ءدارىس وقىعان وقىتۋشى پروفەسسورلار ءوز ىستەرىن جەتىك بىلەتىن جوعارى بىلىكتى ماماندار. اراب ءتىلىن وقىتۋدىڭ، وقۋدىڭ، سويلەۋدىڭ، جازۋدىڭ جانە شاكىرتتەردى ەمتيحاندا باعالاۋدىڭ تاسىلدەرىن كەڭىنەن تالقىلاۋدىڭ رەتى تۋدى.
مىنە ءتورت كۇنگە سوزىلعان سەمينارىمىز بۇگىن ءوز مارەسىنە جەتىپ، وقىتۋشىلارعا باس حاتشى دوكتور ءال-ءۋاشميدىڭ قولىمەن ءتيىستى سەرتيفيكاتتار تابىستالدى.
ءبىز دە ءوز تاراپىمىزدان اكادەميانىڭ باس حاتشىسى مەن ۇجىم مۇشەلەرىنە ۇلتتىق ەستەلىك سىيلىقتارىمىزدى ۇسىندىق. اكادەميانىڭ باسشىلىعىنا جانە بارشا اتسالىسقان ۇجىمىنا ۇلكەن العىس ايتامىز. الداعى ۋاقىتتا ەكى جاقتى ارىپتەستىگىمىز جالعاسادى دەپ سەنەمىز.
ف.ع.ك.، اعا وقىتۋشى جۋماجانوۆا ف.ت.
