Ál-Farabı atyndaǵy Qazaq Ulttyq ýnıversıteti shyǵystaný fakýlteti Taıaý Shyǵys jáne Ońtústik Azııa kafedrasynyń arab bóliminiń oqytýshylarynan quralǵan delegaııa 07.01.2023-14.01.2023 ýaqyt aralyǵynda Saýd Arabııa Koroldiginiń astanasy Er-Rııad qalasyndaǵy Korol Sálmán atyndaǵy Dúnıejúzilik Akademııanyń arnaıy shaqyrtýymen jáne shyǵystaný fakýltetindegi Arabtaný ortalyǵynyń úılestirýimen arab tili oqytýshylarynyń biliktiligin arttyrýǵa arnalǵan halyqaralyq semınarǵa qatysty.
Bizben birge Qazaqstannan Abylaı han atyndaǵy álem tilderi men halyqaralyq qatynastar jáne Nur-Múbarak Egıpet ıslam mádenıeti ýnıversıtetterinen ustazdar qatysty. Akademııanyń Bas hatshysy Doktor Abdýlla bın Salıh ál-Ýáshmı bastaǵan ujymy óte jyly qarsy alyp, keń qonaqjaılylyqtaryn kórsetip kútti.
Akademııa 2020 jyldan bastap qana qurylǵan. Sonyń ózinde zamannyń barlyq talaptaryna saı bazasy jabdyqtalǵan. Pandemııadan keıingi oflaın formadaǵy sheteldikterge arnalyp ótkizilgen eń alǵashqy sharasy bizge ótkizgen semınarlary boldy. Akademııa semınardy zamanaýı talaptar men ádistemelerge saı etip, óte joǵary deńgeıde ótkizdi.
Dáris oqyǵan oqytýshy professorlar óz isterin jetik biletin joǵary bilikti mamandar. Arab tilin oqytýdyń, oqýdyń, sóıleýdiń, jazýdyń jáne shákirtterdi emtıhanda baǵalaýdyń tásilderin keńinen talqylaýdyń reti týdy.
Mine tórt kúnge sozylǵan semınarymyz búgin óz máresine jetip, oqytýshylarǵa Bas hatshy Doktor ál-Ýáshmıdiń qolymen tıisti sertıfıkattar tabystaldy.
Biz de óz tarapymyzdan Akademııanyń Bas hatshysy men ujym múshelerine ulttyq estelik syılyqtarymyzdy usyndyq. Akademııanyń basshylyǵyna jáne barsha atsalysqan ujymyna úlken alǵys aıtamyz. Aldaǵy ýaqytta eki jaqty áriptestigimiz jalǵasady dep senemiz.
F.ǵ.k., aǵa oqytýshy Jýmajanova F.T.
