23 قاڭتار كۇنى «ۇكقمو» كەاق كەڭسەسىندە ورتالىق باسشىلىعى قازاقستان انيماتسيالىق ستۋديالارى قاۋىمداستىعىنىڭ توراعاسى ا.ابەلدينوۆ جانە ونىڭ ادۆوكاتى ا. قابدولوۆپەن جۇمىس كەزدەسۋىن وتكىزدى.
⠀
كەزدەسۋدى ۇيىمداستىرۋعا ا.ابەلدينوۆتىڭ Facebook الەۋمەتتىك جەلىسىندەگى «چتو نە تاك س انيماتسيەي؟» جاريالانىمى مەن وعان قاراستى ت. مۋكانوۆانىڭ جازعان تۇسىنىگى نەگىز بولدى، ول كىسىمەن 25 قاڭتاردا قوسىمشا كەزدەسۋ وتكىزىلدى.
⠀
وزدەرىڭىز بىلەتىندەي، ا.ابەلدينوۆ ۇكقمو باسشىلىعىن سىبايلاس جەمقورلىق قۇقىق بۇزۋشىلىقتارىن جاسادى دەپ ايىپتادى. ءوز كەزەگىندە ت.مۋكانوۆا دا ا.ابەلدينوۆ ونىمەن اڭگىمەلەسۋ بارىسىندا وسىنداي ايىپتاۋلاردى ايتقانىن مالىمدەدى.
⠀
ۇكقمو كەڭسەسىندە وتكەن كەزدەسۋ بارىسىندا ا. ابەلدينوۆتەن ورتالىق باسشىلىعى تاراپىنان جاسالعان سىبايلاس جەمقورلىق فاكتىلەرىن ناقتىلاۋ سۇرالدى. الايدا ا.ابەلدينوۆ دالەل كەلتىرمەدى جانە سىبايلاس جەمقورلىق فاكتىلەرىن راستايتىن ماتەريالداردى ۇسىنا المادى.
⠀
ءوز كەزەگىندە، ۇكقمو كومپلاەنس-قىزمەتىنىڭ وكىلدەرى ا.ابەلدينوۆ پەن ت. مۋكانوۆاعا تەلەكوممۋنيكاتسيا جەلىلەرىن پايدالانۋ ارقىلى كوپشىلىك الدىندا جاسالعان ار-نامىس پەن قادىر-قاسيەتتى قورلايتىن، كەمسىتەتىن نەگىزسىز ايىپتاۋلار فاكتىسى بويىنشا سوت ورگاندارىنا شاعىم بەرىلەتىنىن حابارلادى.
"ادىرنا" ۇلتتىق پورتالى ⠀