تۇركىستان وبلىسى قازىعۇرت اۋدانىنىڭ تۇرعىنى 13 جاستاعى ۇلىنىڭ مەكتەپ دارەتحاناسىندا بىرنەشە رەت زورلانعانىن ايتتى. بىلتىر ءساۋىر ايىندا قۇزىرلى ورگانعا ارىز جازعان انا، «ۇلىم كىمدەردىڭ زورلاعانىن كورسەتسە دە پوليتسەيلەر قول قۋسىرىپ قاراپ وتىر» دەيدى.
جابىرلەنۋشىنىڭ اناسى ۇلىنىڭ تۋعاننان كوزى ناشار كورەتىنىن، سوعان قاراماستان وقۋ ۇلگەرىمى جاقسى ەكەنىن ايتادى. تەك سوڭعى كۇندەرى بالاسىنىڭ مىنەزى وزگەرىپ، ساباقتان قاشۋدى شىعارىپتى. ۇلىمەن اشىق سويلەسكەن ول بالاسىنىڭ اقپان ايىنان باستاپ زورلانىپ جۇرگەنىن ەستيدى.
ۇلى ءبىر توپ ءجاسوسپىرىمنىڭ دارەتحانادا بىرنەشە رەت زورلاعانىن ايتقان. پوليتسياعا شاعىمدانعان انا تەرگەۋ ناتيجەلەرى بالانى زورلانبادى دەپ شىعاردى دەيدى. قۇزىرلى ورگاننان ءۇمىت ۇزگەن ول ادىلدىك ىزدەپ الماتىعا كوشۋگە ءماجبۇر بولعان.
الماتىداعى ارۋجان سايىننىڭ قورىنا بارىپ كومەك سۇراعان ولار تاعى دا مەديتسينالىق تەكسەرۋدەن وتەدى. بالانىڭ زورلانعانى بۇل جولى دا انىقتالادى.
جەرگىلىكتى پوليتسەيلەر وقيعا قاتىستى قر قك-ءنىڭ 121-بابى («كامەلەت جاسقا تولماعاندارى زورلاۋ») بويىنشا قىلمىستىق ءىس قوزعالعانىن، قازىرگى ۋاقىتتا تەرگەۋ جۇرگىزىلىپ جاتقانىن ايتادى.
الايدا اناسىنىڭ سوزىنشە، مەكتەپكە تەكسەرىس جۇرگىزۋگە ەشكىم باس سۇقپاعان.
دەرەككوز: NUR.KZ
