اقىن، كوپتەگەن جىر بايقاۋىنىڭ جەڭىمپازى مەرگەن توقسانباي كوكشەتاۋ قالاسىنداعى مالىك عابدۋللين مەموريالدى مۋزەيىنىڭ ديرەكتورى بولىپ تاعايىندالدى. بۇل تۋرالى قازاقستان جازۋشىلار وداعىنىڭ مۇشەسى قۋانىش وسپان جازدى، دەپ حابارلايدى «ادىرنا» ءتىلشىسى.
«بۇگىن مەنىڭ مەرگەنىم، مەرگەن توقسانباي «مالىك عابدۋللين مۋزەيى» مكم-ءنىڭ ديرەكتورى بولىپ تاعايىندالدى! ال، دوستىم، قىزمەت قايىرلى، قۇتتى دا بەرەكەلى بولسىن!»—دەدى ول.
مەرگەن توقسانباي – 1988 جىلى 14 قاراشادا بۇرىنعى كوكشەتاۋ وبلىسى، ەڭبەكشىلدەر اۋدانى، كازگورودوك اۋىلىندا دۇنيەگە كەلگەن. «كوكشە» اكادەمياسىنىڭ فيلولوگيا فاكۋلتەتىن تامامداعان. 2010 جىلعى XIII حالىقارالىق «شابىت» شىعارماشىل جاستار فەستيۆالىنىڭ ديپلومانتى. «اسسالاۋماعالەيكۇم»، «نوستالگيا» جىر جيناقتارىنىڭ اۆتورى.
