تۇركىستان وبلىسىندا جاۋىن-شاشىن سايابىرسىپ، جاعداي تۇراقتالىپ كەلەدى

1890
Adyrna.kz Telegram

تۇركىستان وبلىسىندا قاتتى جاۋىن-شاشىن مەن قالىڭ قاردىڭ ەرۋى سالدارىنان سۋ دەڭگەيى كوتەرىلىپ، كوشەلەردى سۋ باسۋ جاعدايى بايدىبەك، ساۋران، ورداباسى اۋداندارىندا ورىن العان بولاتىن. بۇل تۋرالى تۇركىستان وبلىسىنىڭ وڭىرلىك كوممۋنيكاتسيالار قىزمەتى حابارلادى، دەپ جازادى "ادىرنا" ۇلتتىق پورتالى.

تۇركىستان وبلىسى توتەنشە جاعداي دەپارتامەنتىنىڭ مالىمەتىنشە، قازىرگى تاڭدا اتالعان اۋدانداردا ساعات 13:00-دەن باستاپ جاۋىن-شاشىن توقتادى. جاعداي تۇراقتالىپ كەلەدى.

تۇرعىن ۇيلەردىڭ سۋ باسۋىنا جول بەرمەۋ ماقساتىندا، تجد قىزمەتكەرلەرىنىڭ كومەگىمەن جاڭبىر سۋىن سورۋ جانە سۋدى ايداۋ جۇمىستارى جالعاسىپ جاتىر. زارداپ شەككەندەر جوق.

اتالعان جۇمىسقا تۇركىستان وبلىسى توتەنشە جاعدايلار دەپارتامەنتىنەن 63 قىزمەتكەر، 9 بىرلىك تەحنيكا، 20 موتوپومپا جانە جەرگىلىكتى اتقارۋشى ورگانداردىڭ 240 قىزمەتكەرى، 40 بىرلىك تەحنيكا، 5 موتوپومپا جۇمىلدىرىلىپ، سۋدى سورۋ جانە ارىقتاردى تازالاۋ جۇمىستارى جۇرگىزىلىپ جاتىر.

"ادىرنا" ۇلتتىق پورتالى 
پىكىرلەر