Túrkistan oblysynda qatty jaýyn-shashyn men qalyń qardyń erýi saldarynan sý deńgeıi kóterilip, kóshelerdi sý basý jaǵdaıy Báıdibek, Saýran, Ordabasy aýdandarynda oryn alǵan bolatyn. Bul týraly Túrkistan oblysynyń Óńirlik kommýnıkaııalar qyzmeti habarlady, dep jazady "Adyrna" ulttyq portaly.
Túrkistan oblysy Tótenshe jaǵdaı departamentiniń málimetinshe, qazirgi tańda atalǵan aýdandarda saǵat 13:00-den bastap jaýyn-shashyn toqtady. Jaǵdaı turaqtalyp keledi.
Turǵyn úılerdiń sý basýyna jol bermeý maqsatynda, TJD qyzmetkerleriniń kómegimen jańbyr sýyn sorý jáne sýdy aıdaý jumystary jalǵasyp jatyr. Zardap shekkender joq.
Atalǵan jumysqa Túrkistan oblysy Tótenshe jaǵdaılar departamentinen 63 qyzmetker, 9 birlik tehnıka, 20 motopompa jáne jergilikti atqarýshy organdardyń 240 qyzmetkeri, 40 birlik tehnıka, 5 motopompa jumyldyrylyp, sýdy sorý jáne aryqtardy tazalaý jumystary júrgizilip jatyr.
