اقتوبە وبلىسى قوبدا اۋدانىندا مەكتەپ-ينتەرنات 9 اي بويى زاڭسىز جۇمىس ىستەگەن. بۇل تۋرالى وبلىستىق پروكۋراتۋرانىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
باسقارمانىڭ مالىمدەۋىنشە، وندا اۋىلدىق جەرلەردەن كەلگەن 15 بالا ءبىلىم العان.
«ينتەرنات قىزمەتى جالپى ءبىلىم بەرۋ مەكەمەسىنىڭ جانىندا ۇيىمداستىرىلعانىمەن، ونىڭ قۇرىلتاي قۇجاتتارىندا ءمۇلدم كورسەتىلمەگەن.
مەكتەپ جانە مەكتەپ جانىنداعى ينتەرنات وقۋشىلارىنا ارنالعان ىشكى ءتارتىپ ەرەجەلەرى زاڭدى كۇشتەرىن جويعان قۇقىقتىق اكتىلەر نەگىزىندە ازىرلەنگەن.
سونىمەن قاتار، ينتەرنات عيماراتى ۋاكىلەتتى ورگانداردىڭ سانيتارلىق-ەپيدەميولوگيالىق جانە ءورت قاۋىپسىزدىگى تالاپتارىنا سايكەستىگى تۋرالى قورىتىندىسىز پايدالانىلعان»،—دەلىنگەن حابارلامادا.
ۆەدومستۆو پروكۋرورلىق قاداعالاۋ اكتىسىمەن بارلىق كىنالى لاۋازىمدى تۇلعا جاۋاپتىلىققا تارتىلعانىن ايتتى. سونداي-اق ءبىلىم ءبولىمى مەكتەپ-ينتەرناتتىڭ جۇمىس ىستەۋىنە قاجەتتى بارلىق رۇقسات قۇجاتتارىن الۋعا ءوتىنىم جولداعان.
