«Önerkäsıptı damytu qory» AQ Jeŋıldetılgen avtonesieleu baǧdarlamasy boiynşa ötınımderdı qabyldau platformasyn ıske qosady

«Önerkäsıptı damytu qory» AQ («Qazaqstannyŋ Damu Bankı» AQ enşıles ūiymy) aǧymdaǧy jyldyŋ 6 aqpanda Jeŋıldetılgen avtonesieleu baǧdarlamasy boiynşa ötınımderdı qabyldau üşın pilottyq platformany ıske qosady.

Ötınımderdı qabyldau Astana uaqyty boiynşa saǧat 10.00-de www.autonesie.kz resmi saitynda ıske qosylady. Ötınım beru üşın ötınış beruşınıŋ qol astynda kompiuterı, elektrondyq-sifrlyq qoltaŋbasy (ESQ), internetı boluy qajet, sondai-aq avtoöndıruşılerdı aldyn ala taŋdauy şart. Platformada tek Qazaqstan Respublikasynyŋ aumaǧynda tırkeluge bolady. Saitta ötınım bergen kezde ötınış beruşınıŋ derekterı avtomatty türde ESQ arqyly qalyptasady. Ötınış beruşı mındettı türde tek telefon nömırın engızıp, avtoöndıruşını taŋdap, ötınımge qol qoiuy kerek. Ötınımnıŋ tırkelu barysyn Ötınış beruşı saittaǧy «Jeke kabinet» arqyly teksere alady. Aita ketu kerek, platforma Baǧdarlamaǧa qatysuşylardyŋ pulyn qalyptastyrady, Dilerlık ortalyqtarda avtokölıktı jäne Baǧdarlamaǧa qatysuşy bankterde kredittı beru kezektılıgın anyqtamaidy. Ötınımdı bergennen keiın avtoöndıruşını özgertu mümkın emes. Esterıŋızge sala keteiık, Jeŋıldetılgen avtonesieleu baǧdarlamasy 2022 jyldyŋ mamyr aiynda bastau aldy. Ony ıske asyru üşın ekınşı deŋgeidegı bankterge («Qazaqstan Halyq bankı» AQ, «Forte Bank» AQ, «Bank SentrKredit» AQ jäne «Euraziialyq Bank» AQ) 100 mlrd teŋge bölındı. Būl qarajatqa 12,6 myŋnan astam avtomobil satyp alyndy. Avtokredittıŋ ortaşa mölşerı 7,8 mln teŋgenı qūrady. Bügıngı taŋda «Önerkäsıptı damytu qory» AQ jelısı boiynşa qoldanystaǧy avtokreditterdı öteuden jinaqtalǧan qarajat kölemı 7,6 mlrd teŋgenı qūraidy. Osy derekterdı eskere otyryp, pilottyq platformanyŋ alǧaşqy ıske qosylu barysynda 761 ötınış beruşıge deiın tırkele alady. Ötınış beruşılerdıŋ osy sanyna jetken kezde platformada ötınımderdı qabyldau avtomatty türde toqtatylady, al «Ötınım beru» funksiiasy belsendı bolmaidy. Keiınnen platformada ötınımderdı qabyldau ai saiyn jürgızıledı jäne 100-den astam ötınış beruşını tırkeuge mümkındık beredı.

Ötınım beruşınıŋ ötınımı kelesı jaǧdaida qabyldanbauy mümkın:

1. Būǧan deiın Baǧdarlama aiasynda avtonesie alǧan bolsa;
2. Platformada özektı ötınımı bolsa.

Jeŋıldetılgen avtonesieleu baǧdarlamasy boiynşa ötınımderdı qabyldau platformasy ötınım beruşıler men avtoöndıruşılerge, sondai-aq Baǧdarlamaǧa qatysuşy bankterge ötınımnıŋ märtebesın ötınım berılgen sätten bastap avtomobil berılgenge deiın onlain nūsqada qadaǧalauǧa, sondai-aq Baǧdarlamany ıske asyrudyŋ aşyqtyǧyn qamtamasyz etuge mümkındık beredı.

 Jeŋıldetılgen avtonesieleu baǧdarlamasynyŋ şarttary özgerıssız qalady:

• 1 avtomobildıŋ qūny – 15 000 000 (on bes million) teŋgeden aspaidy;
• qarjylandyru somasy – 10 000 000 (on million) teŋgeden artyq emes;
• qarjylandyru merzımı – 7 jyldan aspaidy;
• bastapqy jarna – 0% bastap;
• kredit beru valiutasy – teŋge;
• syiaqy mölşerlemesı – jyldyq 4%, būl rette jyldyq tiımdı syiaqy mölşerlemesı tüpkılıktı qaryz aluşynyŋ avtokölıktı saqtandyru jäne resımdeu (onyŋ ışınde kepılge qoiu) boiynşa şyǧyndaryn eskere otyryp, jyldyq 7,5%-dan aspauy tiıs;
• tüpkılıktı qaryz aluşylar saqtandyru jäne otandyq öndırıstıŋ jeŋıl avtokölıgın kepılge resımdeu boiynşa şyǧystardy töleidı.

Baǧdarlamaǧa qatysatyn avtoöndıruşılerdıŋ tızbesı:

• «SARYARQAAVTOPROM» JŞS;
• «HYUNDAI TRANS KAZAKHSTAN» JŞS.