2023 jylǧy 30 qaŋtarda Litvanyŋ Vilnius qalasynda Qazaqstan Respublikasy men Litva Respublikasy arasyndaǧy Turizm jönındegı jūmys tobynyŋ otyrysy öttı, dep habarlaidy “Adyrna” ūlttyq portaly.
Qazaqstan Respublikasynyŋ delegasiiasyn Qazaqstan Respublikasynyŋ Mädeniet jäne sport vise-ministrı Erjan Erkınbaev basqardy.
Qazaqstandyq delegasiianyŋ qūramyna Qazaqstannyŋ Litvadaǧy Elşılıgınıŋ, QR MSM Turizm industriiasy komitetınıŋ, «Kazakh Tourism» ŪK «AQ, sondai-aq «Şymbūlaq» tau-ken kurortynyŋ ökılderı endı.
Litva Respublikasynyŋ delegasiiasyn Litva Respublikasynyŋ Ekonomika jäne innovasiialar vise-ministrı Vinsas Iýrgutis basqardy.
Jūmys tobynyŋ resmi otyrysy barysynda qazaqstandyq delegasiia eldıŋ turistık äleuetın tanystyrdy.
Vise-ministr Qazaqstan turizmınıŋ negızgı körsetkışterı qalpyna keltırılıp qana qoimai, 2019 jylǧy körsetkışterden de asyp tüskenın habarlady. Qonaqüiler qyzmet körsetken şeteldık turisterdıŋ sany şamamen 610 myŋ şeteldık turistı qūrady. 2022 jyldyŋ qorytyndysy boiynşa 1 mln. şeteldık qonaq kütılude.
Litvalyq tarap Qazaqstandaǧy ekoturizm men tau şaŋǧysy turizmı siiaqty ūsynystarǧa, sondai-aq litvalyq tarap balamasyn engızuge niettı eQonaq aqparattyq jüiesıne qyzyǧuşylyq tanytty.
Taraptar turizm salasyndaǧy ekıjaqty yntymaqtastyqty odan ärı nyǧaitu Qazaqstan men Litvanyŋ bırlesken maqsaty bolyp tabylatynyn atap öttı.
Būdan basqa, elder sauyqtyru, tūraqty turizm salasyndaǧy yntymaqtastyqty jandandyruǧa, B2B bailanystardy yntalandyruǧa niettı.
Qazaqstandyq tarap Vilniustegı ärıptesterıne Almaty qalasyndaǧy «Şymbūlaq» tauly kurortynda Litvanyŋ turizm künderın jäne Vilnius qalasynda Qazaqstannyŋ turizm künderın ötkızu mümkındıgın qarastyrudy ūsyndy.
Kezdesu qorytyndysy boiynşa ekı eldıŋ Vise-ministrlerı jūmys kezdesuınıŋ hattamasyna qol qoidy.
Osyǧan deiın, aǧymdaǧy jyldyŋ 29 qaŋtarynda qazaqstandyq delegasiia Adventure23 halyqaralyq turistık körmesıne barǧan bolatyn. Körme aiasynda delegasiia qatysuşylardyŋ stendterımen tanysty.
