وزبەكستان مەن قازاقستان ءوز ازاماتتارىنىڭ ەكى ەل اۋماعىندا ءوزارا بولۋ مەرزىمىن بەس كۇننەن 30 كۇنگە دەيىن ۇزارتتى. بۇل تۋرالى وزبەكستاننىڭ سىرتقى ميگراتسيا اگەنتتىگىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
اقپارات بويىنشا، 2000 جىلعى 7 شىلدەدەگى "ازاماتتاردىڭ ءوزارا ساپارلارىنىڭ شارتتارى تۋرالى" وزبەك-قازاق ۇكىمەتارالىق كەلىسىمىنە ەكى ەل ازاماتتارىنىڭ ەل اۋماعىنا كەلۋ، بولۋ جانە كەتۋ تارتىبىنە وزگەرىستەر ەنگىزىلگەن.
"ەندى وزبەكستان ازاماتتارى شەكارادان وتكەن كۇننەن باستاپ 30 كۇنتىزبەلىك كۇن ىشىندە قازاقستاندا تىركەۋسىز بولا الادى", - دەپ جازىلعان اگەنتتىكتىڭ Telegram-ارناسىندا.
بۇعان دەيىن بۇل مەرزىم بەس كۇننەن اسپايتىن. ەندى قازاقستاندىقتاردىڭ وزبەكستاندا بولۋ مەرزىمى دە ۇزارتىلدى.
بۇل رەتتە ەكى ەلدىڭ ازاماتتارى 30 كۇننەن اسپايتىن مەرزىمگە، بارلىعى 180 كۇنتىزبەلىك كۇننىڭ ءاربىر كەزەڭىندە 90 كۇنگە ۆيزاسىز ءوزارا ساپار جاساي الادى، دەپ اقپارات تاراتتى ءباسپاسوز قىزمەتى.
