نازارباەۆ زياتكەرلىك مەكتەپتەرى NIS-ءتىڭ الەمدىك ستاندارتتارىن راستايتىن بەدەلدى ەۋروپالىق سەرتيفيكاتقا يە بولدى
گەرمانياداعى ACQUIN-ءنىڭ شتاب-پاتەرىندە كۇلاش شامشيدينوۆاعا NIS پەداگوگيكالىق شەبەرلىك ورتالىعىن جاڭا سەرتيفيكاتتاۋ تۋرالى كۋالىك تابىستالدى.
گەرمانيانىڭ بايرويت قالاسىنداعى ACQUIN-ءنىڭ شتاب-پاتەرىندە «نازارباەۆ زياتكەرلىك مەكتەپتەرى» دببۇ باسقارما ءتورايىمى كۇلاش شامشيدينوۆاعا پەداگوگيكالىق شەبەرلىك ورتالىعىنىڭ جاڭا جەتىستىگى تۋرالى كۋالىك تابىس ەتىلدى. بۇل – مۇعالىمدەردىڭ كاسىبي دامۋىنداعى «مەكتەپ كومانداسى: ءتيىمدى باسقارۋ جانە ءبىلىم بەرۋ ساپاسى» اتتى وزەكتى باعدارلاماسىن شارتسىز سەرتيفيكاتتاۋ.
ميۋنحەن قالاسىنداعى قازاقستان رەسپۋبليكاسىنىڭ باس كونسۋلى دەنيس روگوۆ NIS-ءتى جاڭاشا تانىلۋىمەن ءبىرىنشى بولىپ قۇتتىقتادى.
ACQUIN اككرەديتتەۋ، سەرتيفيكاتتاۋ جانە ساپانى قامتاماسىز ەتۋ ينستيتۋتى «نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمىنىڭ جوعارى ستاندارتتارى مەن پەداگوگيكالىق شەبەرلىك ورتالىعىنىڭ كاسىبي جەتىستىكتەرىن مويىندادى.
ACQUIN باعدارلامالىق جانە ينستيتۋتسيونالدى اككرەديتتەۋ ءبولىمىنىڭ باسشىسى ياسمين رۋدولف NIS-ءتىڭ قازاقستاندى الەمدىك ءبىلىم بەرۋ كەڭىستىگىنە ينتەگراتسيالاعانىن ەرەكشە اتاپ ءوتتى. ACQUIN اككرەديتتەۋ ءبولىمىنىڭ ۇيلەستىرۋشىسى يۋليا بالاكشي سەرتيفيكاتتاۋمەن جۇمىس ىستەگەن ACQUIN-ءنىڭ شۆەيتساريا مەن گەرمانياداعى ساراپشىلارى وزدەرىنىڭ ءبىلىم بەرۋ جۇيەلەرىندە نازارباەۆ زياتكەرلىك مەكتەپتەرىنىڭ كاسىبي كومانداسى دايىنداعان تابىستى شەشىمدەردى ەنگىزۋگە دايىن ەكەندەرىن جەتكىزدى.
پەداگوگيكالىق شەبەرلىك ورتالىعى قوسىمشا كاسىپتىك ءبىلىم بەرۋ جۇيەسىندە سىرتقى ساراپتاماعا ارنالعان باعدارلامالاردى ەلىمىزدە ءبىرىنشى بولىپ ۇسىندى. ACQUIN وكىلدەرى پەداگوگيكالىق شەبەرلىك ورتالىعىنىڭ بارلىق باعدارلامالارى شارتسىز سەرتيفيكاتتاۋدان بىردەن وتكەنىن ايتتى، – دەيدى پەداگوگيكالىق شەبەرلىك ورتالىعىنىڭ ديرەكتورى جانبوتا كابدىكاريموۆا.
جاڭا تانىلۋ پشو-نىڭ ءۇش جىل بويى بەدەلدى ەۋروپالىق اگەنتتىكتە ءوتىپ جاتقان ماڭىزدى اككرەديتاتسيالارىنىڭ اۋقىمدى سەرياسىن جالعاستىردى.
گەرمانياداعى اككرەديتتەۋ، سەرتيفيكاتتاۋ جانە ساپانى قامتاماسىز ەتۋ ينستيتۋتىندا وسىعان دەيىن پەداگوگيكالىق شەبەرلىك ورتالىعى ازىرلەگەن ون باعدارلاما اككرەديتتەلگەن. ولار مۇعالىمنىڭ كوشباسشىلىعىنا، ءتيىمدى وقىتۋ مەن قازىرگى ءبىلىم بەرۋدەگى باسقا دا وزەكتى باسىمدىقتارعا باعىتتالعان. بۇل مەكتەپتىڭ توپ-مەنەدجمەنتىنە، ماتەماتيكا مۇعالىمدەرى مەن پسيحولوگتارعا، سونداي-اق جوعارى وقۋ ورىندارىنىڭ، كوللەدجدەر مەن مەكتەپكە دەيىنگى ءبىلىم بەرۋ ۇيىمدارىنىڭ وقىتۋشىلارىنا ارنالعان تاقىرىپتىق باعدارلامالار، سونىڭ ىشىندە «مۇعالىم تاجىريبەسىندەگى زەرتتەۋ» كۋرسى. پەداگوگتەردىڭ كاسىبي دامۋى ءۇشىن جاساقتالعان بارلىق باعدارلامالار بۇگىندە ەلىمىزدە تابىستى جۇمىس ىستەۋدە.
مىندەتتى سىرتقى باعالاۋ ستاندارتتارى ساپا ساياساتىنا سايكەستىكتى، باعدارلامالاردى ازىرلەۋ مەن بەكىتۋدىڭ اشىق جانە ستاندارتتالعان راسىمدەرىن، وقىتۋ مەن باعالاۋدىڭ جوعارى دەڭگەيىن، ترەنەرلەر قۇرامىنىڭ ءابسوليۋتتى كاسىبيلىگىن، تۇراقتى رەسۋرستىق بازانى جانە جۇيەلى مونيتورينگتى قامتيدى، – دەپ اتاپ ءوتتى «مەكتەپ كومانداسى» جوباسىنىڭ مەنەدجەرى ايشا سادىقوۆا.
پەداگوگيكالىق شەبەرلىك ورتالىعىنىڭ تابىستى دامۋىنىڭ كەلەسى كەزەڭىندە ينستيتۋتسيونالدى اككرەديتتەۋدەن ءوتۋ جوسپاردا تۇر.
بەدەلدى ACQUIN اككرەديتتەۋ اگەنتتىگى ءبىلىم بەرۋ سالاسىنداعى ساپانى قامتاماسىز ەتۋگە ارنالعان بارلىق ءتيىستى حالىقارالىق قاۋىمداستىقتار مەن جوبالىق باستامالاردىڭ مۇشەسى بولىپ تابىلادى، 2009 جىلدان باستاپ جوعارى ءبىلىم بەرۋ ساپاسىن قامتاماسىز ەتۋدىڭ ەۋروپالىق تىزىلىمىندە تىركەلگەن. ستراتەگيالىق باسىمدىقتارى – باعدارلامالىق جانە ينستيتۋتسيونالدى اككرەديتتەۋدىڭ حالىقارالىق پروتسەدۋرالارى، ەۋروپالىق وداقتىڭ عىلىمي جوبالارى.
