"ناتو رەسەيمەن تىكەلەي قارسىلاسۋعا دايىن" دەپ مالىمدەدى اليانستىڭ اسكەري كوميتەتىنىڭ باسشىسى، ادميرال روب باۋەر. اسكەري مامان بۇل جايلى پورتۋگاليانىڭ "RTP" تەلەارناسىنا بەرگەن سۇحباتىندا ايتتى، دەپ جازدى "ادىرنا" ۇلتتىق پورتالى.
روب باۋەر ناتو-نىڭ ۋكرايناداعى قاقتىعىس باستالعالى بولگاريا، رۋمىنيا، ۆەنگريا جانە سلوۆاكياعا قوسىمشا كۇش جىبەرۋ تۋرالى شەشىم قابىلداعانىن اتاپ ءوتتى. بۇل قادام ارقىلى ناتو اليانستىڭ شىعىس قاناتىن كۇشەيتۋدى كوزدەپ وتىر. مۇنى:
"مەنىڭ پايىمداۋىمشا، بۇل ءبىزدىڭ ورىستارعا ماڭىزدى ەسكەرتۋىمىز. ەگەر ولار ناتو-عا قارسى كەلۋگە شەشىم قابىلداسا، ءبىزدىڭ دە قاراپ قالمايتىنىمىزدى كورسەتۋ ءۇشىن وسىنداي قادامعا باردىق", - دەپ ءتۇسىندىردى باۋەر
لەيتەنانت-ادميرالدىڭ ايتۋىنشا، رەسەيدىڭ ستراتەگيالىق ماقساتى ۋكراينانى باسىپ الۋ عانا ەمەس. ولاردىڭ كوزدەگەنى تىم ارىدە. ءسوزىن "بۇلاردىڭ كوكسەگەنى ەسكى كەڭەس وداعىنا قايتا ورالۋ" دەپ ءتۇسىندىردى ول.
"ادىرنا" ۇلتتىق پورتالى
