تاريحشى التىنبەك قۇمىرزاقۇلى الاش قايراتكەرى، ۇلت جەتەكشىسى مىرجاقىپ دۋلاتۇلىنىڭ "ويان، قازاق" كىتابى تۇرىك پەن جاپون قوعامىنا تىكەلەي اسەر ەتكەنىن مالىمدەدى. "ويان، قازاق" شىعارماسىن وقىعان جاپون مەن تۇرىك زيالىلارى "ويان، تۇرىك", "ويان، جاپون" سىندى ەڭبەكتەر جازىپ شىققان. سونىمەن قاتار، اۆتوردىڭ ايتۋىنشا مۇستافا كەمال اتاتۇرىكتىڭ مىرجاقىپ دۋلاتۇلىنىڭ كىتابىن ارنايى تاپسىرىسپەن اۋدارتقان. بۇل جايلى "ادىرنا" ۇلتتىق پورتالى جازدى.
تاريحي دەرەكتەردى سارالاي وتىرىپ التىنبەك قۇمىرزاقۇلى مىرجاقىپ دۋلاتۇلىنىڭ باعا جەتپەس اسىل ەڭبەگىنىڭ تۇرىك، جاپون قوعامىنىڭ دامۋىنا ىقپال ەتكەنىن ايشىقتادى.
- ... مىرجاقىپ دۋلاتۇلىن ۇستاز تۇتقان، ازاتتىقتى اڭساعان ازاماتتاردىڭ قاتارىندا بولعان، تۇركيانىڭ تۇڭعىش پرەزيدەنتى مۇستافا كەمال اتاتۇرىك. ول 1917–1918 جىلدارى بيلىككە كەلگەن كەزدە دوسى پروفەسسور تايىر شاعاتايعا تاپسىرما بەرىپ «ويان قازاق!" كىتابىن تۇرىك تىلىنە اۋدارىپ شىعارعان ەدى. وسى كىتاپقا ەلىكتەپ «ويان، تۇرىك!» دەگەن كىتاپتار دا شىققان.
مىرجاقىپتىڭ «ويان، قازاق!" كىتابى الەم ەلدەرىنە قاتتى اسەر ەتتى. ولاردىڭ قاتارىندا جاپون ەلى دە بار. مىرجاقىپ ءوزى دە ولەڭدەرىندە جاپون ەرلىگىن، ۇلتىن جىرعا قوسقان. سوعان وراي كەيبىر ازاماتتار مىرجاقىپتى ءوز ىشتەرىنەن جاپوننىڭ رۋحاني ۇستازى دەپ سىيلايدى. جاپوندار مىرجاقىپ دۋلاتوۆقا ەلىكتەپ «ويان، جاپون!» دەگەن كىتاپ شىعارعان. 1997 جىلى جاپون عالىمى ۋيامو توموحيكو ءوز تىلىندە مىرجاقىپتىڭ ساياسي كوزقاراسىنان ديسسەرتاتسيا قورعادى.....
پايدالانىلعان ادەبيەتتەر:
1. مارات ابسەمەت
2. گۇلنار مىرجاقىپقىزى دۋلاتوۆا "شىندىق شىراعى", - دەپ جازدى اۆتور.
تاريحي ەرەكشە قۇبىلىسقا قاتىستى اۋدارماشى جانەركە جۇماتاەۆا تولقىنىسپەن پىكىر ءبىلدىردى:
- وركەنيەتتى ەلدەرگە ءوزىن مويىنداتقان الاشتىڭ ارىستارى، اتا- بابالارىمىز-اي..... جاتقان جەرلەرىڭ جايلى بولسىن. جوعارىداعى فاكتىمەن، بۇكىل قازاق ماقتانۋىمىز كەرەك نەگىزى. رۋحىمىزدى جوعارى كوتەرىپ ءجۇرۋىمىز ءۇشىن... - دەپ جازدى اۋدارماشى.
بار عۇمىرىن قازاق مۇراتىنا باعىتتاعان مىرجاقىپ دۋلاتۇلى:
"كوزىڭدى اش، ويان قازاق، كوتەر باستى،
وتكىزبەي قاراڭعىدا بەكەر جاستى.
جەر كەتتى، ءدىن ناشارلاپ، حال ارام بوپ،
قاراعىم، ەندى جاتۋ جاراماس-تى", - دەپ جازعان ەدى.
"ادىرنا" ۇلتتىق پورتالى
