Tarıhshy Altynbek Qumyrzaquly Alash qaıratkeri, ult jetekshisi Mirjaqyp Dýlatulynyń "Oıan, Qazaq" kitaby túrik pen japon qoǵamyna tikeleı áser etkenin málimdedi. "Oıan, Qazaq" shyǵarmasyn oqyǵan japon men túrik zııalylary "Oıan, Túrik", "Oıan, Japon" syndy eńbekter jazyp shyqqan. Sonymen qatar, avtordyń aıtýynsha Mustafa Kemal Atatúriktiń Mirjaqyp Dýlatulynyń kitabyn arnaıy tapsyryspen aýdartqan. Bul jaıly "Adyrna" ulttyq portaly jazdy.
Tarıhı derekterdi saralaı otyryp Altynbek Qumyrzaquly Mirjaqyp Dýlatulynyń baǵa jetpes asyl eńbeginiń túrik, japon qoǵamynyń damýyna yqpal etkenin aıshyqtady.
- ... Mirjaqyp Dýlatulyn ustaz tutqan, azattyqty ańsaǵan azamattardyń qatarynda bolǵan, Túrkııanyń tuńǵysh prezıdenti Mustafa Kemal Atatúrik. Ol 1917–1918 jyldary bılikke kelgen kezde dosy professor Taıyr Shaǵataıǵa tapsyrma berip «Oıan Qazaq!" kitabyn túrik tiline aýdaryp shyǵarǵan edi. Osy kitapqa eliktep «Oıan, Túrik!» degen kitaptar da shyqqan.
Mirjaqyptyń «Oıan, Qazaq!" kitaby álem elderine qatty áser etti. Olardyń qatarynda Japon eli de bar. Mirjaqyp ózi de óleńderinde japon erligin, ultyn jyrǵa qosqan. Soǵan oraı keıbir azamattar Mirjaqypty óz ishterinen japonnyń rýhanı ustazy dep syılaıdy. Japondar Mirjaqyp Dýlatovqa eliktep «Oıan, Japon!» degen kitap shyǵarǵan. 1997 jyly japon ǵalymy Ýıamo Tomohıko óz tilinde Mirjaqyptyń saıası kózqarasynan dıssertaııa qorǵady.....
Paıdalanylǵan ádebıetter:
1. Marat Ábsemet
2. Gúlnár Mirjaqypqyzy Dýlatova "Shyndyq shyraǵy", - dep jazdy avtor.
Tarıhı erekshe qubylysqa qatysty aýdarmashy Janerke Jumataeva tolqynyspen pikir bildirdi:
- Órkenıetti elderge ózin moıyndatqan Alashtyń arystary, Ata- Babalarymyz-aı..... Jatqan jerleriń jaıly bolsyn. Joǵarydaǵy faktimen, búkil Qazaq maqtanýymyz kerek negizi. Rýhymyzdy joǵary kóterip júrýimiz úshin... - dep jazdy aýdarmashy.
Bar ǵumyryn qazaq muratyna baǵyttaǵan Mirjaqyp Dýlatuly:
"Kózińdi ash, oıan qazaq, kóter basty,
Ótkizbeı qarańǵyda beker jasty.
Jer ketti, din nasharlap, hal aram bop,
Qaraǵym, endi jatý jaramas-ty", - dep jazǵan edi.
"Adyrna" ulttyq portaly
