قر پرەمەر-ءمينيسترى: شىمكەنتتەگى «ىسكەر قالا» وڭىرلىك باعدارلاماسىن بۇكىل رەسپۋبليكاعا ۇلگى ەتۋ كەرەك

2650
Adyrna.kz Telegram

قر پرەمەر-ءمينيسترى ءاليحان سمايىلوۆ شىمكەنت قالاسىنا جۇمىس ساپارىنىڭ اياسىندا «ستاندارت» جەكەمەنشىك يندۋستريالدى ايماعىندا ورنالاسقان «Standard Steel KZ» كومپانياسىنىڭ قالدىقتاردى قايتا وڭدەۋ ارقىلى ءتۇستى مەتالدار كونسەنتراتىن وندىرۋگە باعىتتالعان كاسىپورىننىڭ جۇمىسىمەن تانىستى.

شىمكەنت قالاسىنىڭ اكىمى مۇرات ايتەنوۆ پرەمەر-مينيسترگە جوبانىڭ «ساۋتس ويل» جاۋاپكەرشىلىگى شەكتەۋلى سەرىكتەستىگىنىڭ قارجىلاندىرۋىمەن جۇزەگە اسىپ جاتقانى، جوبانىڭ جالپى قۇنى 13,3 ميلليارد تەڭگەنى قۇرايتىنى، ءوندىرىستىڭ العاشقى كەزەڭى وتكەن جىلى ىسكە قوسىلعانى باياندادى.
«ستاندارت» جەكەمەنشىك يندۋستريالدى ايماعىنىڭ جۇمىسى جانە «ىسكەر قالا» باعدارلاماسىنىڭ ورىندالۋى تۋرالى ايتىپ بەردى.

ايتا كەتەيىك، بۇل يندۋستريالدى ايماقتا جەكە ينۆەستوردىڭ ەسەبىنەن ينجەنەرلىك-ينفراقۇرىلىم جۇرگىزىلىپ، وندىرىستىك عيماراتتار سالىنادى. ءوز كەزىندە شاعىن كاسىپورىن ورنىن اشقىسى كەلەتىن كاسىپكەرلەر وسى ايماقتان دايىن عيماراتتى جالعا الادى. ال، «ىسكەر قالا» باعدارلاماسى ارقىلى جالعا الۋ قۇنىنىڭ ءبىر بولىگى سۋبسيديالانادى. سونداي-اق، كاسىپكەرلەرگە 50 ميلليون تەڭگەگە دەيىن جەڭىلدەتىلگەن نەسيەلەر ۇسىنىلادى.

–بۇگىندە مەملەكەت ونەركاسىپتى دامىتۋ، شاعىن جانە ورتا بيزنەستى قولداۋعا باسا نازار اۋدارىپ وتىر. بۇل باعىتتا بىرنەشە ۇلتتىق جوبالار قابىلدانىپ، بۇگىندە ناتيجەلى ورىندالۋدا. ال، شىمكەنت قالاسىنداعى «ىسكەر قالا» وڭىرلىك باعدارلاماسىنداعى قولداۋ تەتىكتەرى كاسىپكەرلەر ءۇشىن ءتيىمدى. ۇلتتىق ەكونوميكا مينيسترلىگى بۇل تاجىريبەنى زەرتتەپ، بۇكىل رەسپۋبليكاعا تاراتۋ مۇمكىندىگىن قاراستىرۋى ءتيىس، — دەدى پرەمەر-مينيستر.

ايتا كەتەيىك، «Standard Stell KZ» كومپانياسى ءتيىستى زاۋىتتىڭ ءبىرىنشى كەزەڭىنە 2.8 ميلليارد تەڭگە ينۆەستيتسيا تارتىلعان. بۇل كەزەڭدە جىلىنا 4 608 توننا مىس-كۇمىس كونسەنتراتىن شىعاراتىن ءوندىرىس ىسكە قوسىلعان. ەكىنشى كەزەڭنىڭ ينۆەستيتسيالىق قۇنى 10.5 ميلليارد تەڭگەنى قۇرايدى. ول ىسكە قوسىلعاندا زاۋىتتا جىلىنا 20 900 توننا مىرىش وكسيدى وندىرىلەتىن بولادى.

پىكىرلەر