QR Premer-mınıstri Álıhan Smaıylov Shymkent qalasyna jumys saparynyń aıasynda «Standart» jekemenshik ındýstrııaldy aımaǵynda ornalasqan «Standard Steel KZ» kompanııasynyń qaldyqtardy qaıta óńdeý arqyly tústi metaldar konsentratyn óndirýge baǵyttalǵan kásiporynnyń jumysymen tanysty.
Shymkent qalasynyń ákimi Murat Áıtenov Premer-mınıstrge jobanyń «Saýts Oıl» jaýapkershiligi shekteýli seriktestiginiń qarjylandyrýymen júzege asyp jatqany, jobanyń jalpy quny 13,3 mıllıard teńgeni quraıtyny, óndiristiń alǵashqy kezeńi ótken jyly iske qosylǵany baıandady.
«Standart» jekemenshik ındýstrııaldy aımaǵynyń jumysy jáne «Isker qala» baǵdarlamasynyń oryndalýy týraly aıtyp berdi.
Aıta keteıik, bul ındýstrııaldy aımaqta jeke ınvestordyń esebinen ınjenerlik-ınfraqurylym júrgizilip, óndiristik ǵımarattar salynady. Óz kezinde shaǵyn kásiporyn ornyn ashqysy keletin kásipkerler osy aımaqtan daıyn ǵımaratty jalǵa alady. Al, «Isker qala» baǵdarlamasy arqyly jalǵa alý qunynyń bir bóligi sýbsıdııalanady. Sondaı-aq, kásipkerlerge 50 mıllıon teńgege deıin jeńildetilgen nesıeler usynylady.
–Búginde memleket ónerkásipti damytý, shaǵyn jáne orta bıznesti qoldaýǵa basa nazar aýdaryp otyr. Bul baǵytta birneshe ulttyq jobalar qabyldanyp, búginde nátıjeli oryndalýda. Al, Shymkent qalasyndaǵy «Isker qala» óńirlik baǵdarlamasyndaǵy qoldaý tetikteri kásipkerler úshin tıimdi. Ulttyq ekonomıka mınıstrligi bul tájirıbeni zerttep, búkil respýblıkaǵa taratý múmkindigin qarastyrýy tıis, — dedi Premer-mınıstr.
Aıta keteıik, «Standard Stell KZ» kompanııasy tıisti zaýyttyń birinshi kezeńine 2.8 mıllıard teńge ınvestıııa tartylǵan. Bul kezeńde jylyna 4 608 tonna mys-kúmis konsentratyn shyǵaratyn óndiris iske qosylǵan. Ekinshi kezeńniń ınvestıııalyq quny 10.5 mıllıard teńgeni quraıdy. Ol iske qosylǵanda zaýytta jylyna 20 900 tonna myrysh oksıdi óndiriletin bolady.
