تەگەراندا ءازىربايجان ەلشىلىگىنە قارۋلى شابۋىل جاسالدى. بۇل تۋرالى ەلدىڭ سىرتقى ىستەر مينيسترلىگى ايتتى، دەپ حابارلايدى «ادىرنا» ءتىلشىسى.
شابۋىل باكۋ ۋاقىتى بويىنشا تاڭعى 8:30 شاماسىندا بولعان.
«كالاشنيكوۆ اۆتوماتىمەن قارۋلانعان شابۋىلشى كۇزەت بەكەتىنە باسىپ كىرىپ، قاۋىپسىزدىك قىزمەتىنىڭ باسشىسىن ولتىرگەن. سونداي-اق قارسىلاسۋ كەزىندە ەلشىلىكتىڭ ەكى كۇزەتشىسى جارالاندى. ولاردىڭ جاعدايى قاناعاتتانارلىق. قازىر شابۋىلدىڭ ءمان-جايى تەكسەرىلۋدە»،—دەپ ءتۇسىندىردى ۆەدومستۆو.
