Respublica ساياسي پارتياسى بارلىق 17 وبلىستا جانە رەسپۋبليكالىق ماڭىزى بار 3 قالادا فيليالدارى مەن وكىلدىكتەرىن تىركەۋدىڭ بارلىق قاجەتتى راسىمدەرىن اياقتادى.
بۇرىن اتاپ وتىلگەندەي، قازاقستانداعى بارلىق ساياسي پارتيالار مەملەكەتتىك تىركەلگەن كۇننەن باستاپ 12 اي ىشىندە ءوزىنىڭ قۇرىلىمدىق بولىمشەلەرىن (فيليالدار مەن وكىلدىكتەردى) تىركەۋى ءتيىس.
Respublica پارتياسىنىڭ توراعاسى ايداربەك حودجانازاروۆ ەندىگى كەزەكتە وبلىستىق شتابتار اشىلاتىنىن ايتتى.
«قازىر بىزگە ەلىمىزدىڭ تۇكپىر-تۇكپىرىنەن وتانداستارمىز Respublica پارتياسىنىڭ قۇرامىنا قوسىلعىسى كەلەتىنى تۋرالى جۇزدەگەن حابارلامالار جولداپ جاتىر. ءبىز ادامداردىڭ وسىنداي قىزىعۋشىلىق تانىتقانىنا وتە قۋانىشتىمىز! كەلەسى كەزەكتە وبلىستىق شتابتار اشىلادى. ول مەكەمەلەردە تۇرعىندار كەڭەس الىپ، وزدەرىن قىزىقتىراتىن سۇراقتارىن قويىپ، ۇسىنىس-پىكىرلەرىن ايتىپ، شتاب وكىلدەرىمەن اڭگىمەلەسىپ، ەڭ باستىسى پارتيا قاتارىنا قوسىلا الادى. ءبىز الەۋمەتتىك جەلىلەردە بارلىق شتابتاردىڭ بايلانىس نومىرلەرى مەن مەكەنجايلارىن جاريالايتىن بولامىز. شتاب جۇمىسىنىڭ العاشقى كۇندەرىنەن باستاپ پارتيامىزعا مۇشە بولعىسى كەلەتىندەردىڭ بارلىعىن شاقىرا الامىز دەپ سەنەمىز»، - دەدى ول الەۋمەتتىك جەلىدەگى پاراقشاسىندا.
ەسكە سالايىق، Respublica پارتياسى الداعى كەزەكتەن تىس قازاقستان رەسپۋبليكاسى پارلامەنتى ءماجىلىسىنىڭ دە، ءماسليحاتتاردىڭ دا دەپۋتاتتارىنىڭ سايلاۋىنا قاتىسادى. قازىرگى ۋاقىتتا پارتيانىڭ شتابى سايلاۋالدى باعدارلاماسىن تانىستىرۋعا جانە سايلاۋالدى ناۋقاندى جۇزەگە اسىرۋعا دايىندىق ۇستىندە.
پارتيانىڭ باستى ماقساتتارىنىڭ ءبىرى – بيلىكتىڭ اشىقتىعىنا قول جەتكىزۋ، ونىڭ باسەكەگە قابىلەتتىلىگىن قامتاماسىز ەتۋ، ازاماتتاردىڭ ساياساتقا ىقپال ەتۋ تەتىكتەرى مەن مۇمكىندىكتەرىن ۇسىنۋ.
