ۋكراينا پرەزيدەنتى ۆلاديمير زەلەنسكي پۋتينمەن كەزدەسىپ، ەكى ەل اراسىنداعى جانجالدى شەشۋ ءۇشىن كەلىسسوزدەر جۇرگىزۋگە نيەتتى ەمەس ەكەنىن مالىمدەدى. ايتۋىنشا، رەسەي اسكەرلەرى ۋكراينادان شىعارىلعان جاعدايدا عانا بەيبىت كەلىسىمگە كەلۋ مۇمكىن بولادى، دەپ حابارلايدى «ادىرنا» ءتىلشىسى.
جۋرناليستەر باسشىعا «رەسەي پرەزيدەنتىمەن كەزدەسۋ ۋكرايناداعى سوعىستى توقتاتۋعا كومەكتەسە مە؟» دەگەن سۇراق قويدى.
«ماعان بۇل قىزىق ەمەس. كەزدەسۋگە، سويلەسۋگە قىزىقپايمىن. شىنىمەن، رەسەيدە كىم شەشىم قابىلدايتىنىن تۇسىنبەيمىن. مەن ءسوزى مەن ءىسى بولەك ادامدى كوردىم. باسقىنشىلىقتان كەيىن ونى ەشكىم دەپ سانامايتىن بولدىم»،— دەدى ول Sky News ارناسىنا بەرگەن سۇحباتىندا.
