مەملەكەت باسشىسىنىڭ «تاۋەلسىزدىكتىڭ ۇرپاقتارى» اتتى جاستار جىلىنىڭ اشىلۋىندا ايتىلعان ويلارى ءال-فارابي اتىنداعى قازۇۋ-دا وتكەن ستۋدەنتتىك فورۋمدا تالقىلاندى. جەتەكشى ۋنيۆەرسيتەتتىڭ ستۋدەنتتەرى قازاقستان جاستارىن «جاستاردىڭ شىعارماشىلىعى مەن كۇش جىگەرى – ەلىمىزدىڭ يننوۆاتسيالىق دامۋى ءۇشىن» يننوۆاتسيالىق جانە ۇلتتىق جاستار قوزعالىسىنا قوسىلۋعا شاقىردى.
ءبىر الاڭدا 2 مىڭنان اسقان جاستار – ستۋدەنتتىك ۇيىمداردىڭ كوشباسشىلارى، جاس عالىمدار، ستارتاپەرلەر، كاسىپكەرلەر مەن ەرىكتىلەر جينالدى. پىكىرلەرمەن جانە تاجىريبەلەرمەن الماسۋ پرەزيدەنت ايتقان بارلىق نەگىزگى باعىتتار بويىنشا ءوربىدى. تالقىلاۋدىڭ باستى باعىتى ءبىلىم ەكونوميكاسىن قۇرۋعا جاستاردى قاتىستىرۋ جولدارىن تابۋعا ارنالدى.
فورۋمدى اشقان ءال-فارابي اتىنداعى قازۇۋ رەكتورى اكادەميك عالىم مۇتانوۆ: «تاۋەلسىزدىك جىلدارىندا قازاقستاندا جاڭا فورماتسيانىڭ جاس تولقىنى ءوستى. ەل پرەزيدەنتى مەن مەملەكەت ونىڭ قالىپتاسۋىنا جانە دامۋىنا كوپ ۇلەس قوستى. مەملەكەت تاۋەلسىزدىگىن نىعايتۋدىڭ جاۋاپكەرشىلىگى مەن ينتەللەكتۋالدى ۇلت قالىپتاستىرۋ جانە الەمدىك دەڭگەيدە ۇلتىمىزدىڭ باسەكەگە قابىلەتتىلىگىن ارتتىرۋدا جاستارعا اسا زور جاۋاپكەرشىلىك پەن ۇلكەن ءۇمىت جۇكتەلەدى»، - دەپ اتادى.
مەملەكەت باسشىسى جاستار الدىنا قويعان تاپسىرمالاردى ورىنداۋعا ستۋدەنتتەر قانداي ۇلەس قوسا الاتىندارى جايلى ءوز ويلارىن ورتاعا سالدى. سونداي-اق ولار 4.0 يندۋسترياسىن قۇرۋعا باعىتتالعان جەكە يدەيالارى مەن يننوۆاتسيالىق جوبالارىن ۇسىنىپ، ستارتاپتاردى ىسكە اسىرۋ تاجىريبەلەرىمەن ءبولىستى.
فورۋم جۇمىسىنىڭ قورىتىندىسى رەتىندە «جاستاردىڭ شىعارماشىلىعى مەن كۇش جىگەرى – ەلدىڭ يننوۆاتسيالىق دامۋى ءۇشىن» ۇلتتىق جاستار قوزعالىسىن قۇرۋ جونىندەگى باستاماسى ۇسىنىلدى. ستۋدەنتتەر ەل جاستارىن قوزعالىسقا بەلسەندى قاتىسۋعا جانە بار ءبىلىمىن، قابىلەتىن، شاعىرماشىلىعىن كرەاتيۆتى يدەيالاردى، جوبالاردى جانە يننوۆاتسيالاردى جاساۋعا جانە ەنگىزۋگە ارناۋعا شاقىردى.
«قازاقستان جاستار جىلىنا اياق باستى، بۇل – ەلباسىنىڭ ەل بولاشاعى جاس ۇرپاققا دەگەن ۇلكەن ءارى ەرەكشە قامقورلىعىنىڭ كورىنىسى. مەملەكەت ءبىز ءۇشىن ءبىر نارسە جاساپ بەرەدى دەپ كۇتىپ وتىرۋدىڭ ەش قاجەتى جوق. «مەن ەلىم ءۇشىن نە ىستەي الامىن؟» دەگەن سۇراقتى ءاربىر ادام وزىنە قويۋى ءتيىس»، - دەلىنگەن ۇندەۋدە.
ۇندەۋدە كورسەتىلگەندەي، جىل سايىن ەلىمىزدە جوو قابىرعاسىنان 200 مىڭعا جۋىق تۇلەكتەر ءبىتىرىپ شىعادى. ولار ومىرگە قانشالىقتى ءبىلىم قورىمەن قادام باسادى جانە ازاماتتىق ۇستانىمى قانشالىقتى بەلسەندى دەگەن سۇراق تۋادى. ماڭىزدىسى سول ولار قاجەتتى قۇزىرەتتىلىككە قول جەتكىزگەن سوڭ جۇمىسسىزداردىڭ قاتارىن ەمەس، وزدەرى جۇمىس ورىندارىن قۇرا العان ازاماتتاردىڭ بىرەگەيى بولۋ ءتيىس. سەبەبى ەلىمىزدىڭ ەرتەڭگى گۇلدەنۋى ولاردىڭ قازاقستان قوعامىنىڭ دامۋىنا قوسقان ۇلەسىنە تىعىز بايلانىستى.
ەلباسى ايتقانداي، قازاقستانعا عىلىم مەن يننوۆاتسيانى كوتەرەتىن جانە 4.0. يندۋستريانى قۇراتىن كرەاتيۆتى ۇرپاق كەرەك. تەك سول كەزدە عانا ەلدىڭ جاھاندىق تەحنولوگيالار ترەندىنە ساي دامۋىن جانە الەمدىك كەڭىستىكتەگى ونىڭ باسەكەگە قابىلەتتىلىگىن قامتاماسىز ەتە الامىز.
تاجىريبە كورسەتىپ وتىرعانداي، جاستاردى ءبىلىم ەكونوميكاسىن دامىتۋعا تارتۋ جاڭا يدەيالاردى، ويلار مەن يننوۆاتسيالاردى انىقتاۋعا جانە قولداۋعا باعىتتالعان الاڭداردى قۇرۋعا ىقپال ەتەتىندىگى قۇجاتتا ايتىلعان.
ينتەللەكتۋالدى-شىعارماشىلىق الەۋەتتى ىنتالاندىرۋ ماقساتىندا جانە تالانتتى جاستاردى انىقتاۋ ءۇشىن ءال-فارابي اتىنداعى قازاق ۇلتتىق ۋنيۆەرسيتەتىندە 6 جىلدان بەرى «مەنىڭ قازاقستاننىڭ يننوۆاتسيالىق دامۋىنا قوسقان ناقتى ۇلەسىم» ۇزدىك جاس عالىم، ۇزدىك ستۋدەنتتىك ستارت-اپقا، «ءوز ەلىمنىڭ گۇلدەنۋى ءۇشىن مەن نە ىستەي الامىن؟» اتتى ۇزدىك ەسسە مەن پوەتيكالىق شىعارماعا، «ماڭگىلىك ەل – مەنىڭ مۇراتىم» ۇزدىك پاتريوتتىق اندەرگە ارنالعان قر ءبىرىنشى پرەزيدەنتى كۇنىندە قورىتىندىسى شىعارىلاتىن بايقاۋلار جوباسى جۇزەگە اسىرىلىپ كەلەدى.
«ۇلتتىق جاستار قوزعالىسىن قالىپتاستىرۋ ماقساتىنداعى اتالمىش تاجىريبە نەگىزىندە «جاستاردىڭ شىعارماشىلىعى مەن كۇش جىگەرى – ەلىمىزدىڭ يننوۆاتسيالىق دامۋى ءۇشىن» ۇرانىمەن جوعارىدا اتالعان بايقاۋلاردى رەسپۋبليكانىڭ بارلىق جاستارى اراسىندا جىل سايىن وتكىزۋ تاجىريبەسىن قاراستىرۋدى ۇسىنامىز»، - دەلىنگەن قازۇۋ ستۋدەنتتەرىنىڭ ۇندەۋىندە.
فورۋم قاتىسۋشىلارى ۇلتتىق جاستار قوزعالىسى قازاقستان ستۋدەنتتەرىنىڭ جالپى قولداۋىنا، قازاقستان كولەمىندە جۇيەلى نەگىزدە جۇزەگە اسىرىلۋى جاستاردىڭ جاڭا يدەيالارىنىڭ، جوبالارى مەن شىعارماشىلىق باستامالارىنىڭ تۇراقتى اعىنىن قامتاماسىز ەتەتىنىنە، ونىڭ كاسىپكەرلىك داعدىلارىن قالىپتاستىرۋعا ىقپال جاساپ، بولاشاقتا جەكە يننوۆاتسيالىق كاسىپورىندارىن قۇرۋعا ىنتالاندىراتىنىنا سەنىم ءبىلدىردى. «ەگەر بۇل جوباعا ءاربىر ۋنيۆەرسيتەت، كاسىپورىن جانە ايماق قوسىلسا، وندا يننوۆاتسيالىق جاستار قوزعالىسى شىن مانىندە جاپپاي بولىپ، ءبىلىم ەكونوميكاسىنىڭ دامۋىنا زور ىقپال ەتەتىن ىنتالاندىرۋشى كۇش بولادى. بىز جاستاردىڭ ەڭ ۇزدىك باستامالارى مەملەكەتتىك ۇيىمداردىڭ بارلىق دەڭگەيىندەگى ءتيىستى رەسۋرستاردان قولداۋ تابادى دەپ سەنەمىز! وسىعان وراي ءبىز ۇلكەن ىنتامەن پرەزيدەنتتىڭ تاپسىرماسىن قولعا الا وتىرىپ، تالانتتى جاستاردىڭ يدەيالارى مەن ستارتاپتارىنا كومەك كورسەتۋ ماقساتىندا ارنايى گرانت تابىستايتىن بيزنەس-قۇرىلىمدارعا ۇسىنىس تاستايمىز. ءبىزدىڭ ۇسىنىسىمىز ارى قاراي كەڭ كولەمدە جۇزەگە اسىرىلسا، وندا ول قوعامدا قولايلى يننوۆاتسيالىق ورتا جاساۋعا ءارى جاستاردىڭ كۇش جىگەرى مەن شىعارماشىلىعىنىڭ جاسامپاز كۇشكە اينالۋىنا مۇمكىندىك بەرەدى. قازاقستاننىڭ ەڭ دامىعان 30 ەلدىڭ قاتارىنا قوسىلۋى تولىعىمەن بىزگە بايلانىستى! ەلىمىزدىڭ بولاشاعى - ءبىزدىڭ قولىمىزدا»، - دەپ شاقىردى قازۇۋ ستۋدەنتتەرى.
فورۋم قاتىسۋشىلارى ءوز تاراپتارىنان جاسالعان ۇندەۋ مەن ۇلتتىق جاستار قوزعالىسى قازاقستان ستۋدەنتتەرىنەن جالپىورتاق قولداۋعا يە بولادى دەپ ءۇمىت ارتتى.
ءال-فارابي اتىنداعى
قازۇۋ-دىڭ ءباسپاسوز قىزمەتى
