"پارتيالار – ازاماتتىق قوعامنىڭ باستى تىرەگى". بۇل تۋرالى مەملەكەت باسشىسى قاسىم-جومارت توقاەۆ پارلامەنت سەناتىنىڭ وتىرىسىندا ايتتى، دەپ حابارلايدى "ادىرنا" ۇلتتىق پورتالى baq.kz-كە سىلتەمە جاساپ.
جاقىندا عانا ءماجىلىس پەن ماسليحاتتارعا سايلاۋ ناۋقانى ءوز جۇمىسىن باستادى. بۇل نەگىزگى مەملەكەتتىك ينستيتۋتتاردى كەشەندى تۇردە جاڭعىرتۋدىڭ سوڭعى ساتىسى بولماق. ءماجىلىس پەن ءماسليحاتتاردىڭ ارالاس مودەلىن قالىپتاستىرۋعا كوشىپ جاتىرمىز. بارلىق الەۋمەتتىك توپتىڭ مۇددەسىن قورعاۋ تۇرعىسىنان مۇنىڭ ءمانى زور. بۇل وزگەرىس وكىلدى بيلىك تارماقتارىنىڭ بارلىق دەڭگەيىنە ايتارلىقتاي ىقپال ەتەدى.سوڭعى جىلدارى جۇرگىزىلگەن ساياسي وزگەرىستەر، سايلاۋ زاڭناماسىن ماقساتتى تۇردە ليبەرالداندىرۋ قازاقستاندا پارتيا قۇرۋ ىسىنە تىڭ سەرپىن بەردى. ۇزاق ۋاقىتتان بەرى ەلىمىزدە العاش رەت بىرنەشە جاڭا پارتيا رەسمي تۇردە تىركەلدى. اتالعان دەرەكتى ارالىق قورىتىندى رەتىندە اتاپ وتۋگە بولادى، - دەدى پرەزيدەنت.
ول بۇل – العا قاراي جاسالعان ماڭىزدى قادام ەكەنىن ايتتى.
ساياسي جۇيەنى ورنىقتى دامىتۋ ىسىندە پارتيالار ماڭىزدى ءرول اتقارادى. وسى ورايدا، ەلىمىزگە جاۋاپكەرشىلىگى جوعارى پارتيالار قاجەت. ولار حالىقتىڭ مۇددەسىن ءتيىمدى قورعاي بىلۋگە ءتيىس. سونداي-اق، مەملەكەت تۇعىرىن نىعايتۋ جانە ەل بىرلىگىن ساقتاۋ ماسەلەسىن بارىنەن بيىك قويۋى كەرەك. پارتيالار ازاماتتىق قوعامنىڭ باستى تىرەگى بولۋعا ءتيىس. جۇرتشىلىقتىڭ تالاپ-تىلەگىنە جەتە ءمان بەرىپ، جۇيەلى جۇمىس جۇرگىزۋى قاجەت. ءوز باعدارلاماسىن زاڭدى جولدارمەن ىسكە اسىرۋى كەرەك. ساياساتكەرلەردىڭ جاڭا شوعىرىن قالىپتاستىرىپ، ولاردى ەلگە تانىتۋ دا ماڭىزدى،- دەدى ول.
"ادىرنا" ۇلتتىق پورتالى
