ۇستىمىزدەگى جىلدىڭ اقپان ايىندا ەلوردالىق ءبىر توپ وقۋشى ۇلىبريتانياداعى «چەلسي» فۋتبول كومانداسىنىڭ جاتتىعۋ الاڭىنا بارىپ، تاجىريبە الماسۋ مارتەبەسىنە يە بولدى. بۇل تۋرالى «ءبىلىم-يننوۆاتسيا» حالىقارالىق قورىنىڭ ۆيتسە-پرەزيدەنتى نۇربول تولەباەۆ قازاقپارات تىلشىسىنە بەرگەن سۇحباتىندا ءمالىم ەتتى.
«بىزدە جىل سايىنعى ءداستۇر بويىنشا «ءبىلىم-يننوۆاتسيا» ليتسەي وقۋشىلارى اراسىندا فۋتبولدان رەسپۋبليكالىق تۋرنير ۇيىمداستىرىلادى. وعان وڭىرلەردەگى بارلىق ليتسەيدەن 28-30 كوماندا قاتىسادى. وسى تۇرعىدا بيىلعى ءتۋرنيردى وتكىزۋ بارىسىندا وزگەرىس ەنگىزىپ، جەڭىمپاز كومانداعا سىي جاساۋدى ۇيعاردىق. ياعني جارىستا جۇزدەن جۇيرىك شىققان كومانداعا انگلياعا جولداما بەرىلدى. بيىلعى فۋتبول باسەكەسىنىڭ جەڭىمپازى استانا قالاسىنداعى ەر بالالارعا ارنالعان «ءبىلىم-يننوۆاتسيا» ليتسەيىنىڭ وقۋشىلارى اتاندى. ولار الداعى ايدىڭ 21-ءى مەن 27-ءى ارالىعىندا ايگىلى «چەلسي» فۋتبول كومانداسىندا بولىپ، تاجىريبە الماسادى»، -دەدى قور ۆيتسە-پرەزيدەنتى. ونىڭ ايتۋىنشا، وقۋشىلار انگليادا فۋتبول ويناۋدىڭ قىر-سىرىن يگەرۋمەن قاتار، بەلگىلى فۋتبول كومانداسىنىڭ تاريحى جانە جەتىستىكتەرىمەن كەڭىنەن تانىسا الادى. «وقۋشىلارعا وسىنداي سىي جاساۋداعى ماقسات - ولاردى ىنتالاندىرۋ، جىگەرلەندىرۋ. ەل ەرتەڭى بولىپ تابىلاتىن جاس بۋىنعا مۇمكىندىك بەرىپ، جاعداي جاساۋ. ەلباسى كەشەگى وتكەن جاستار فورۋمىندا «قازىرگى تاڭدا مەملەكەتتەر اراسىندا عانا ەمەس، ادامدار اراسىندا باسەكە قىزا ءتۇستى» دەدى. وسى تۇرعىدا بۇگىننەن باستاپ جاس بۋىن بويىنا باسەكەگە قابىلەتتىلىك داعدىسىن قالىپتاستىرۋمىز كەرەك»، - دەدى ن. تولەباەۆ.
