قوعامدىق كولىك جۇرگىزۋشىلەرىنىڭ مارتەبەسى مەن جالاقىسىن دارىگەرلەر مەن مۇعالىمدەردىكى سەكىلدى كوتەرۋ ۇسىنىلدى

2930
Adyrna.kz Telegram
فوتو: martebe.kz
فوتو: martebe.kz

قر اۆتوكولىك وداعىنىڭ باسشىسى ءسابيت امانباەۆ قوعامدىق كولىك جۇرگىزۋشىلەرىنىڭ مارتەبەسىن دارىگەرلەر مەن مۇعالىمدەردىكى سەكىلدى كوتەرىپ، جالاقىسى ورتاشا ايلىق جالاقىدان جوعارى بولۋى كەرەك ەكەنىن ايتتى. بۇل تۋرالى ينفورمبيۋرو اقپاراتتىق باعدارلاماسى جاريالادى، دەپ حابارلايدى “ادىرنا” ۇلتتىق پورتالى.

امانباەۆ وسى ارقىلى بۇل سالاداعى قىزمەتكەرلەردىڭ تاپشىلىعىن شەشۋگە بولادى دەپ سانايدى. قازاقستاندا قوعامدىق كولىكتەردە الەۋمەتتىك ماڭىزى بار باعىتتار بويىنشا 25 مىڭ جۇرگىزۋشى قاجەت بولسا، ولاردىڭ سانى قازىر 17 مىڭعا دا جەتپەيدى، ياعني تاعى 8 مىڭعا جۋىق جۇرگىزۋشى قاجەت.

«بۇگىن ماعان 20 ادام جەتپەي جاتسا، ەرتەڭ 30 ادام بولادى. كوبىسى جۇمىستان شىعىپ، شەتەلگە كەتىپ جاتىر. شىعىس جانە باتىس ەۋروپادا جۇرگىزۋشىلەردىڭ جالاقىسى ايىنا ەكى-ءۇش مىڭ ەۋرو. اقشالارىن ۋاقىتىندا تولەيدى. اي سايىن جارنامامەن 30-40 ادامدى اكەتىپ جاتىر»،- دەدى قر اۆتوكولىك وداعىنىڭ باسشىسى. 

اۆتوبۋس جۇرگىزۋشىلەرى كەستە بويىنشا ەكى كۇن جۇمىس ىستەپ، ەكى كۇن دەمالادى. ال ورىن الماستىراتىن ادام بولماسا، دەمالىسسىز جۇمىس ىستەۋگە ءماجبۇر ەكەن. سونىڭ سالدارىنان جول كولىك اپاتتارى جيىلەپ كەتكەن. 

 

پىكىرلەر