قازاقستان رەسپۋبليكاسى عىلىم جانە جوعارى ءبىلىم ءمينيسترى ساياسات نۇربەك قىسقى ۋنيۆەرسيادا كەزىندە قازاقتىڭ تۋىن كوكتە جەلبىرەتكەن ستۋدەنت-cپورتشىلاردى اۋەجايدا قارسى الدى. ولاردى جەڭىسىمەن قۇتتىقتاپ، ەل مەرەيىن اسقاقتاتقان ازاماتتارعا العىس جاۋدىردى، دەپ حابارلايدى "ادىرنا" ۇلتتىق پورتالى.
اقش-تىڭ لەيك-پلەسيد قالاسىندا وتكەن قىسقى ۋنيۆەرسيادا جەڭىمپازدارى ابىروي ارقالاپ، وتانىنا كەلدى. ولاردى مينيستر ساياسات نۇربەكتىڭ ءوزى اۋەجايدا قارسى الدى.
ءدۇبىرلى دودادا ەل نامىسىن 78 سپورتشى قورعادى. ونىڭ ىشىندە شاڭعىمەن جارىسۋدان - 14, شورت-ترەكتەن - 12, بياتلوننان - 9, مانەرلەپ سىرعاناۋ مەن كونكيمەن جۇگىرۋدەن - 6, سنوۋبورد، تاۋ شاڭعىسى سپورتى، تۇعىردان سەكىرۋ مەن قوسسايىستان - 2, شايبالى حوككەيدەن 23 قازاقستاندىق ستۋدەنت جارىس جولىنا شىقتى.
سپورت سايىسىنىڭ قورىتىندىسىنا كەلسەك، قازاق ەلىنىڭ سپورتشىلارى 11 جەڭىپ مەدال الدى. ولار ءۇش التىن، ءتورت كۇمىس، ءتورت قولا مەدالدى قانجىعالادى. ناتيجەسىندە مەدالدار كەستەسىندە ون ءبىرىنشى ورىنعا تۇراقتاپ، جوعارعى جەتىستىكتەردى ەڭسەردى.
"ادىرنا" ۇلتتىق پورتالى
