اۋعانستان، قىتايدان سولتۇستىك قازاق توپىراعىنا، كەرەكۋ وڭىرىنە، قونىس تىككەن قانداستارىمىزدى جەرگىلىكتى باۋىرلارى قۇشاق جايا قارسى الدى. ولاردىڭ باستى ماقساتى - سولتۇستىكتى تۇبەگەيلى قازاقتاندىرىپ، شەكارالىق اۋدانداردى نىعايتۋ، دەپ حابارلايدى “ادىرنا” ۇلتتىق پورتالى.
الەۋمەتتىك جەلىدە سولتۇستىكتەگى قازاقتىڭ ۇلەسىن ارتتىرىپ، قازاق ءتىلىنىڭ تۇعىنىن نىعايتۋدى كوزدەگەن قازاقتاردى قارسى العان باۋىرداردىڭ بەينە-دەرەگى تارادى. ەلگە جەتكەن قانجاستاردىڭ جاڭا لەگى جايلى قوعام بەلسەندىسى بۋراحان داقانوۆ جازدى:
- اۋعاننان كەلگەن قانداستاردى قۇشاق جايا قارسى العان پاۆلودارلىق جىگىتتەر. جارايسىڭدار. ءار قازاق مەنىڭ جالعىزىم. ەلگە ەل قوسىلسا قۇت دەمەكشى، مىنا ازاماتتىڭ 10 بالاسى بار ەكەن. وسى جىگىت سەكىلدى 100 قازاق كەلسە 1000 بالا. عاجاپ ەمەسپە؟
جازبانى بارىنشا تاراتىپ جىبەرۋىڭىزدى سۇرايمىن. كوشكە كومەگىڭىز بولسىن.
"TAUEKEL". تەرىسكەي بىزگە امانات، - دەپ جازدى اۆتور.
قازاقتىڭ ورتاسىنا ورالعان قانداستارعا كوپشىلىكتىڭ ىقىلاس-پەيىلى ايرىقشا. ولار ەلگە ەلدىڭ قوسىلۋىن قۇتقا بالاپ، ەرەكشە قۋانىپ جاتىر.
