"رەسەيسىز قازاقستان ۇزاققا بارمايدى. ءبىزدىڭ رەسەيمەن بولىسەتىن ەشتەڭەمىز جوق. بىزدە 80 پايىزى دەرلىك ورىس تىلىندە سويلەيدى، ادەت-عۇرپىمىز بەن سالت-ءداستۇرىمىز ورتاق". بۇل پىكىردى ەكس-دەپۋتات ازامات ابىلداەۆ Sputnik.kz سايتىنا بەرگەن سۇحباتىندا ايتتى، دەپ جازادى "ادىرنا" ۇلتتىق پورتالى.
«مەن ۋكرايناداعى ارنايى اسكەري وپەراتسيانى، ءپۋتيندى قولدايمىن دەدىم جانە ونىكى دۇرىس. مەن بۇنى سانالى تۇردە ايتتىم. ويلانا الاتىن ادامداردىڭ بارلىعى نە بولىپ جاتقانىن تۇسىنەدى. ەگەر ۇلتشىلدارعا ەرىك بەرسەڭ، ولار سوعىسقا اكەلەدى. رەسەيسىز قازاقستان ۇزاققا بارمايدى. ەگەر ۇقشۇ بولماسا، وندا ءبىز دە، قىرعىزستان تا ، وزبەكستان تا، ءبارىمىز اراب الەمى سەكىلدى ورتەنىپ كەتەر ەدىك. كىم كومەكتەسەر ەدى؟ ءبىزدىڭ رەسەيمەن بولىسەتىن ەشتەڭەمىز جوق. بىزدە 80 پايىزى دەرلىك ورىس تىلىندە سويلەيدى، ادەت-عۇرپىمىز بەن سالت-ءداستۇرىمىز ورتاق. ۇلتشىلدار تەك وزدەرىن جاقسى كورەدى، باسقا ۇلتتاردى جەك كورەدى. قازاقستان - كوپۇلتتى ەل. ال ودان كەيىن نە بولادى؟ سودان كەيىن ازاماتتىق سوعىس بولادى. ۋكراينادا دا ءدال وسىلاي باستالعان. ولار دا ء"بىر رۋسوفوب اڭگىمە ايتىپ ءجۇر، وندا تۇرعان نە بار" دەپ انشەيىن بوس ءسوز دەپ ويلادى. سودان كەيىن مايدان بولدى»،- دەدى ازامات ابىلداەۆ.
"ادىرنا" ۇلتتىق پورتالى
