"Reseısiz Qazaqstan uzaqqa barmaıdy. Bizdiń Reseımen bólisetin eshteńemiz joq. Bizde 80 paıyzy derlik orys tilinde sóıleıdi, ádet-ǵurpymyz ben salt-dástúrimiz ortaq". Bul pikirdi eks-depýtat Azamat Ábildaev Sputnik.kz saıtyna bergen suhbatynda aıtty, dep jazady "Adyrna" ulttyq portaly.
«Men Ýkraınadaǵy arnaıy áskerı operaııany, Pýtındi qoldaımyn dedim jáne onyki durys. Men buny sanaly túrde aıttym. Oılana alatyn adamdardyń barlyǵy ne bolyp jatqanyn túsinedi. Eger ultshyldarǵa erik berseń, olar soǵysqa ákeledi. Reseısiz Qazaqstan uzaqqa barmaıdy. Eger UQShU bolmasa, onda biz de, Qyrǵyzstan ta , Ózbekstan ta, bárimiz arab álemi sekildi órtenip keter edik. Kim kómekteser edi? Bizdiń Reseımen bólisetin eshteńemiz joq. Bizde 80 paıyzy derlik orys tilinde sóıleıdi, ádet-ǵurpymyz ben salt-dástúrimiz ortaq. Ultshyldar tek ózderin jaqsy kóredi, basqa ulttardy jek kóredi. Qazaqstan - kópultty el. Al odan keıin ne bolady? Sodan keıin azamattyq soǵys bolady. Ýkraınada da dál osylaı bastalǵan. Olar da "bir rýsofob áńgime aıtyp júr, onda turǵan ne bar" dep ánsheıin bos sóz dep oılady. Sodan keıin maıdan boldy»,- dedi Azamat Ábildaev.
"Adyrna" ulttyq portaly
