ايتىسكەر اقىن رينات زايىتوۆ تەلەجۇرگىزۋشى ماقسات تولىقبايمەن بىرگە "ەۋرازيا" ءبىرىنشى ارناسىندا ء"بىر سۇراق" باعدارلاماسىن جۇرگىزبەك.
جاڭا باعدارلاما تۋرالى ايتقان جۋرناليست رەيتينگ قۋدان اۋلاق ەكەنىن جەتكىزدى. ول حالىقتان رينات زايىتوۆتىڭ "توك-شوۋ جۇرگىزگەنىنە" تاڭ قالماۋدى سۇرادى.
"بىرىگىپ ءبىر نارسەنى ءبۇلدىرۋ كەرەك ەدى" دەپ، وسىدان ەكى جىل بۇرىن رينات ەكەۋمىزدىڭ ءبىر-بىرىمىزگە قاراپ كۇلگەنىمىز بار. نە بولسا دا، اقىرى بىرىگىپ ءبىر دۇنيە جاساپ كورمەكپىز. باتىل ويلارىن جۇرت الدىندا ونسىز دا بۇكپەسىز ايتىپ، حان قاھارىنان تايسالماي سويلەپ جۇرگەن رينات "توك-شوۋدىڭ جۇرگىزۋشىسى بولىپ كەتىپتى عوي" دەمەسەڭىز، وزگەرە قالعان ەشتەڭەسى جوق! سول باياعى رينات...مەنىڭ دە بيلىككە جاعىنا سويلەي قالعان كەزىم ەسىمدە جوق. بار بولسا، ايتىڭىزدار؟
بىراق، جەتى جىل جاڭالىقتاردىڭ ديكتورى بولعان ادامعا توك-شوۋعا توسەلە قويۋ وڭاي ەمەس ەكەن. باستىسى، ەفيردى ءانشى، سىرنايشىلارمەن تولتىرىپ، ەكى ادامنىڭ اراسىنداعى بەت جىرتىستى كورسەتىپ، ارزان رەيتينگ قۋدان بىردەن باس تارتتىق. ايتپاقشى، مىڭ سۇراق تۋعىزعان ء"بىر سۇراق" دەپ اتادىق اتىن", - دەپ جازعان ول.
