سەرىك ەلىكبايدىڭ ساياسي رەيتينگىسى
باقىتجان ساعىنتاەۆ.
ءبىرىنشى توپتان.
بۇگىنگى پرەمەر-مينيستر پرەزيدەنتتىككە بىردەن-ءبىر ۇمىتكەر، اق قولتىققا الاقان سوزار جەردەگى وتە جاقىن تۇلعا. وزبەك، ءازىربايجان، قىرعىز تىپتى، ورىس قويىلىمى بويىنشا دا شارتى تولىق... كىممەن بولسىن ءتىل تابىسا بىلەتىن، كومپروميسكە كونگىش، ءوز پىكىرىن شىڭىراۋدا ۇستايتىن، ءتىلى تىزگىندى، ءسوزى تۇساۋلى، ارتىق اشۋعا بوي الدىرماس، ساياساتتا ساياق ساعىنتاەۆ ءالى بىلىنە قويماعان جورتارى كوپ جۇيىرىك.
ونىڭ بويىنداعى باسشىعا ءتان نەگىزگى بەلگىلەرى;
ا) بۇعان دەيىن تومەندەپ كورمەگەن، تەك ءوسۋ ۇستىندەگى مەملەكەت قىزمەتكەرى.
ءا) قاي توپتىڭ گۇرزىسى ەكەنىن بىلدىرمەس- تۇڭعيىق.
ب) قازاق تىلىندە ەركىن سويلەيدى.
گ) شەشىمدى، تەز بەيىمدەلگىش. بۇل "قازاق بانكى" داۋى كەزىندە كورىندى.
د) بۇگىنگى بيلىكتەگى -ۇلى جۇزدەن.
باعامدىق دارەجەسى:
ا. ۇلتقا كوزقاراسى. اۋىل تاربيەسىن كورگەن، قازاقيلىعى مەن قازاقشىلدىعى تەڭ. كەرەكۋگە اكىم بولعان كۇنى قازاق زيالى قاۋىمىن جيناپ سويلەسكەن جالعىز اكىم. ازىرگە، بۇل جۇيەدە ۇلت ءسوزىن سويلەۋگە دارمەنسىز.
ءا. شىققان ورتاسى. ۆيكيپەدياداعى دەرەكتە رۋى; وشاقتى. ءوز اكەسى سوتسياليستىك ەڭبەك ەرى، كەڭشار ديرەكتورى بولعان، قايىناتاسى تۇرسىن قاراتاەۆ-قوناەۆ تۇسىندا دا، كەيىنگى نازارباەۆ كەزەڭىندە دە بەدەلدى بولعان (س.ءابدىلدين ءسوزى). دەمەك كەڭەستىك جۇيەدە دە دالادا قالماسى انىق ەدى. ساياسي بيوگرافياسىندا بۇرىلىستار، شۇعىل جۇرىستەر، شالت سوزدەر جوق.
ب. ساياسي-يدەولوگيادا ورنى جوق.
گ. شىدامدى دا بەرىك.
ع. "اۋىر سالماقتى" جاقسىبەكوۆ كەتكەننەن كەيىن ونى سىناۋ ازايعانى بايقالادى. شايقالعانى قالىپقا تۇسكەن سەكىلدى.
ج. قولداۋشى كۇشتەرى بەلگىسىز, پرەزيدەنتتەن باسقا. توپتاردى ۇيلەستىرۋشى سەكىلدى كورىنەدى. مەملەكەتتىك قىزمەتتە تۇتىلعان "داعى" جوق. رەيتينگتىك باعالاۋ "ا" پوزيتسياسىندا عانا وندىق بال، قالعانى بەس.
ا. 7 بالل ا. 5 بالل. ب. 0 بالل گ. 4 بالل ع. 5 بالل ج.1 بالل ورتاق باعاسى 22 بالل.
"ادىرنا" ۇلتتىق پورتالى
