Taldyqorǵanda oblystyq balalar aýrýhanasynyń esepshisi memlekettiń 116 mıllıon teńgesin býkmekerge salyp jibergen. Bul týraly Jetisý oblystyq ekonomıkalyq tergeý departamentiniń ókilderi ustalǵan esepshiniń bıýdjet qarajatyn bir jyldan asa ýaqyt kóleminde qumar oıynǵa jumsap kelgenin málimdedi, dep habarlaıdy “Adyrna” ulttyq portaly.
Departamenttiń habarlaýynsha, ol aqshany óziniń banktik kartasyna aýdaryp, ary qaraı býkmekerlik jeke kabınetindegi shotyna salyp otyrǵan. Qazir kúdikti kinásin tolyqtaı moıyndaǵan.
Aıta keteıik, osydan úsh aı buryn Taldyqorǵandaǵy oblystyq balalar aýrýhanasynyń medıına qyzmetkerlerine birneshe aıdan beri zeınetaqy, áleýmettik jáne medıınalyq tólemderdiń tólenbeı jatqany habarlanǵan bolatyn. Qazir densaýlyq saqtaý basqarmasynyń basshylyǵy medıına qyzmetkerlerine tolyq tólem jasaǵanyn jetkizdi. Al esepshiniń isi qazir sotta qaralýda.
"Jalpy aýdarǵan somasy bir jyldan asa ýaqyt kóleminde 116 mıllıon teńge kóleminde. Is boıynsha onyń jasaǵan áreketi aýyr qylmysqa jatady. 7-12 jyl aralyǵynda bas bostandyǵynan aıyrý jazasy kózdelgen", - dedi Jetisý oblystyq ekonomıkalyq tergeý departamentiniń asa mańyzdy ister jónindegi tergeýshisi Aslan Bıdasov.
