قازاقستانداعى ساياساتكەرلەر پورترەتى جايلى ءسوز باسى
اۆتوريتارلى رەجيم كەزىندەگى ساياساتتا- بەيتاراپ نەمەسە تاۋەلسىز ساياساتكەرلەر يا بولماسا ۇلتقا قىزمەت ەتەر، مەملەكەت ءۇشىن جان بەرەر ساياسي پارتيالار بولمايدى! بولدىرمايدى... بۇل اكسيوما!
ەكىنشى; بۇنداي جۇيە شاعىندا وزدىگىنەن-بيلىك ىرقىنسىز پرەزيدەنتتىككە ەشكىم تالاسپايدى! بۇل دەموكراتيا اتىن جامىلعان-اۆتوريتارلى بيلىكتىڭ جالعىز دا اينىماس بەلگىسى!
ءۇشىنشى; فارس-ماجورلى شاقتا بيلىككە جالشىلىقتا، قۇلشىلىقتا جۇرگەن مايدا ءجۇرىس مالايلار كەلەدى! بۇگىنگى وزبەك، تۇركىمەن بيلىگى ءتىپتى قىرعىز دا سوعان ايعاق. بۇنىڭ نەگىزىن بىزدە قوناەۆ سالدى، سوڭىنان وكىنسە ۇلت ءۇشىن ەمەس ءوزى ءۇشىن وكىندى... اۆتوريتارلى بيلىك كەزىندە ەشقانداي بولجام جاساۋ مۇمكىن بولمايدى. بۇل ونىڭ ءتورتىنشى بەلگىسى.
بەسىنشى بەلگىسى; ءامىرشىل بيلىك شاعىندا ۇلتتىق مۇددە باستى نازارعا الىنبايدى دا، ءبىر عانا ادامنىڭ كوڭىل كۇيى نىسانادا بولىپ، مەملەكەت سوعان جانە سونىڭ جانۇياسى ءۇشىن قىزمەت ەتەدى. التىنشى; بيلىك تالاسى بۇرىنعى بيلىكتە بولعاندار، قاشىپ كەتكەندەر تۇرمەگە تۇسكەندەر مەن بۇگىنگى بيلىك اراسىندا عانا بولادى.ول جەردە بەيسۋات نەمەسە كولدەنەڭ كوك اتتى جۇرمەيدى. ول كۇرەس كورىنبەس ىشكى كابينەتتەردە بولۋى مۇمكىن، نەمەسە قاجىگەلدين، جاقيانوۆتار تەكتەس جارىققا شىعادى. اينالىپ كەلگەندە بۇل بيلىك ءۇشىن تالاس، بۇلاردىڭ ەش قايسىسى ۇلتىم دەگەن ۇرانعا بارمايدى. ءابىلازوۆ تا...
جەتىنشى; ءامىرشىل بيلىك شاعىندا ءتۇرلى كۇلكىلى دە قورقىنىشتى كومبيناتسيالار ۇسىنىلادى. مىسالى، ءبىر ء"ارتىستىڭ" جەر دەپ ەگىلۋى، "ساياساتكەر" بىرەۋلەردىڭ پوليتسياعا ۇستالۋى ت.ب. اتتارى ەلگە ءمالىم!
سەگىزىنشى; ءامىرشىل بيلىك كەزىندە باسشى داۋ-دامايدى ءوزى قوزدىرىپ، تورە بي اربيتراج بولىپ وتىرادى! ول ويىن-قوزدىرۋشىنىڭ كىم ەكەنى ايعاقسىز تانىلعانعا دەيىن جالعانا بەرمەك! ءامىرشىل جۇيەدەگى ەرىكسىز جاسار ءىسىمىز بولجام بولماق. كىمدەر بيلىك باسىنا كەلەدى؟ بۇگىنگى جۇرگەندەر ىشىندە كىمنىڭ مۇمكىندىگى بار؟ وسىعان ءبىز دە ءوز ويىمىزدى قوسۋدى ءجون كوردىك. 1920 جىلعى "سيلۋەتى;پوليتيچەسكوە پورترەتى" سەكىلدى، نەمەسە "قىزىل مۇسالاردىڭ قازاسى " تەكتەس ەڭبەكتەر جوعى قاپەرسىز قازاقى كۇنىمىزگە ايعاق. ساياساتكەرلەرگە ارنالعان "سەرىك ەلىكباي رەيتينگىسى" اتالار باعامعا ءبىرىنشى ءمان بەرۋگە تىرىسارىمىز،اتالعان جاننىڭ مىنانداي تۇستارىنا ساراپتاما بەرەمىز.
ا) ۇلتقا كوزقاراسى، ءا) شىققان ورتاسى، ساياسي بيوگرافياسى، ب) ساياسي-يدولوگيالىق قارىمى، گ) مىنەز-حاراكتەرلىك مۇمكىندىگى، ع) بۇگىنگى جاعداياتى، ج) قولداۋشى كۇشتەرى.
بيلىككە كەلەر جانداردى مىنانداي ءۇش توپقا بولدىك
ءبىرىنشى; بيلىكتە جۇرگەندەر.
ەكىنشى; الاستالعاندار.
ءۇشىنشى;ازىر بەلگىسىزدەر.
(جالعاسى بار)
سەرىك ەلىكباي
"ادىرنا" ۇلتتىق پورتالى
