“Ólgen adamnyń personajy retinde”: Jazýshy Tasybekovtyń sýretin otandyq serıal ruqsatsyz paıdalanǵan

3245
Adyrna.kz Telegram
Foto: vıdeodan alyndy
Foto: vıdeodan alyndy

Qazaqstandyq tanymal jazýshy ári til mamany Qanat Tasybekovtyń sýreti "Qazaqstan" ulttyq arnasynda otandyq teleserıalda ólgen adamnyń personajy retinde ruqsatsyz kórsetilgen.Bul týraly Tasybekov Facebook paraqshasynda jazdy, dep habarlaıdy “Adyrna” ulttyq portaly.

Jazýshyǵa bul týraly Astanada turatyn tanysy habarlapty. Al otandyq fılmdegi ólgen adamnyń personajynyń ornynda óziniń sýretin kórgende otbasy músheleri de óte qatty renjegen.

Tasybekov telearnaǵa hat ta jazǵan. Ol ózinen keshirim suraýdy, fılmdegi beıneni joıýdy jáne ózine moraldi ótemaqy tóleýdi talap etken. Alaıda telearnadan eshkim qarsy jaýap bermegen.

Jazýshy keıin ózine bir áıeldiń habarlasyp, ózin teleserıaldyń prodıýseri dep tanystyrǵanyn aıtqan. Alaıda ekeýiniń áńgimesi uzaqqa barmaı, tutqany qoıa salǵan.

Bul máselege Aqparat jáne qoǵamdyq damý mınıstri Darhan Qydyráli jaýap bergen. 

"Tıisti tapsyrma berildi, mán-jaıdy anyqtap, sizge habarlasady. Aıyp etpeńiz", - dep jazǵan mınıstr.

Keıinnen jazba astyna "Qazaqstan" ulttyq telearnasynyń basqarma tóraıymynyń orynbasary Ilham Ibragım pikir bildirdi. Ol serıaldy 2017 jyly, Korporaııanyń tapsyrysymen RecMedia kompanııasy túsirgenin jetkizgen. Aıtýynsha, fılmge Janna Ábisheva prodıýserlik etken.

"Ókinishke qaraı bul shyǵarmashylyq toptyń da, Korporaııa tarapynan qabyldap alǵan mamannyń da salǵyrttyǵy. Dál osy serıaldy qabyldaǵan maman anyqtalyp, jaýapqa tartylady jáne Qanat myrzanyń ózine qosymsha habarlanady. Ketken olqylyq úshin Kanat Tasıbekov myrzadan da, kórermenderimizden de keshirim suraımyz", - degen telearna ókili.

Pikirler