وسكەمەندەگى اباي-ميحاەليس كوشەسىن الەۋمەتتىك جەلى وقىرماندارى جاقسى بىلەدى. كەزىندە وسى جەرگە قوس اقىننىڭ دوستىعىنا ەسكەرتكىش ورناتىپ، ونىڭ اياعى ۇلكەن داۋعا ۇلاسقان. قازنەت قولدانۋشىلارى اباي قۇنانبايۇلى مەن ەۆگەني ميحاەليس "سەلفي" جاساپ جاتقان سياقتى ەكەنىن، سونداي-اق كوپشىلىك مۇسىندەردىڭ ەرگەجەيلى ەكەنىن جارىسا جازعان. "بۇل مادەني مۇرا مەن تاريحقا جاسالعان قيانات" دەگەن پىكىرلەر دە ايتىلعان. اقىرى، كوپشىلىكتىڭ نارازىلىعىنان كەيىن ول ەسكەرتكىش الىنىپ تاستالعان بولاتىن. بىراق، ەسكەرتكىشتى ورناتۋدى موينىنا العان مەردىگەر كومپانيا تەندەردەن العان اقشانى قايتارعان-قايتارماعانى بەلگىسىز. ەسكەرتكىش جارامسىز بولىپ، قوقىسقا تاستالدى.
وسكەمەن باسشىلىعى بوس تۇرعان تۇعىرعا "رۋحاني جاڭعىرۋدى" ورناتامىز دەپ، تاعى دا جۇرتتىڭ سىنىنا قالىپ وتىر. تۇعىرداعى اباي قۇنانبايۇلى دەگەن جازۋدى بۇركەمەلەپ قويعانىمەن، شىندىق ءبارىبىر كوزگە كورىنەتىننىڭ دالەلىندەي، اباي دەگەن ءسوز انىق كوزگە كورىنىپ تۇر. ۇلت ۇستازىنىڭ ۇستىنە ءمىنىپ العان "رۋحاني جاڭعىرۋدى" پاتشا كوڭىلدى وقىرماننىڭ وي تارازىسىنا قالدىردىق.
"ادىرنا" ۇلتتىق پورتالى
.
