Óskemendegi Abaı-Mıhaelıs kóshesin áleýmettik jeli oqyrmandary jaqsy biledi. Kezinde osy jerge qos aqynnyń dostyǵyna eskertkish ornatyp, onyń aıaǵy úlken daýǵa ulasqan. Qaznet qoldanýshylary Abaı Qunanbaıuly men Evgenıı Mıhaelıs "selfı" jasap jatqan sııaqty ekenin, sondaı-aq kópshilik músinderdiń ergejeıli ekenin jarysa jazǵan. "Bul mádenı mura men tarıhqa jasalǵan qııanat" degen pikirler de aıtylǵan. Aqyry, kópshiliktiń narazylyǵynan keıin ol eskertkish alynyp tastalǵan bolatyn. Biraq, eskertkishti ornatýdy moınyna alǵan merdiger kompanııa tenderden alǵan aqshany qaıtarǵan-qaıtarmaǵany belgisiz. Eskertkish jaramsyz bolyp, qoqysqa tastaldy.
Óskemen basshylyǵy bos turǵan tuǵyrǵa "Rýhanı Jańǵyrýdy" ornatamyz dep, taǵy da jurttyń synyna qalyp otyr. Tuǵyrdaǵy Abaı Qunanbaıuly degen jazýdy búrkemelep qoıǵanymen, shyndyq báribir kózge kórinetinniń dálelindeı, Abaı degen sóz anyq kózge kórinip tur. Ult ustazynyń ústine minip alǵan "Rýhanı Jańǵyrýdy" patsha kóńildi oqyrmannyń oı tarazysyna qaldyrdyq.
"Adyrna" ulttyq portaly
.
