قازاقستاندا جوعارى وقۋ ورىندارى ستۋدەنتتەرىنىڭ وقۋ اقىسى مەن شاكىرتاقىسىنا قاتىستى ماسەلەلەر ۇكىمەت دەڭگەيىندە قايتا قاراستىرىلۋى مۇمكىن، دەپ حابارلايدى "ادىرنا" ۇلتتىق پورتالى.
عىلىم جانە جوعارى ءبىلىم ءمينيسترى ساياسات نۇربەك سوڭعى بەس جىل ىشىندە شاكىرتاقى كولەمىن جىل سايىن 20–25 پايىزعا ارتتىرۋ باعدارلاماسى ءساتتى جۇزەگە اسقانىن ايتتى. الايدا 2025 جىلى بۇل باعدارلامانىڭ مەرزىمى اياقتالعان. قازىرگى ۋاقىتتا مينيسترلىك ستۋدەنتتەردى قولداۋ شارالارىن جالعاستىرۋ ءۇشىن جاڭا تەتىكتەر ازىرلەۋدە.
ءمينيستردىڭ ايتۋىنشا، شاكىرتاقىنى كەزەڭ-كەزەڭىمەن ۇلعايتۋ جۇمىستارى الداعى ۋاقىتتا دا جالعاسۋى مۇمكىن.
«قازىرگى ۋاقىتتا تولەمدەردى جىل سايىن ارتتىرۋ ءۇشىن باعدارلامانى ۇكىمەتپەن بىرلەسىپ قايتا جاڭعىرتۋ مۇمكىندىگىن قاراستىرىپ جاتىرمىز»، – دەدى ساياسات نۇربەك.
بۇل باستاما ستۋدەنتتەردىڭ الەۋمەتتىك جاعدايىن جاقسارتۋعا باعىتتالعان. قازىرگى تاڭدا باكالاۆريات ستۋدەنتتەرىنە ارنالعان ەڭ تومەنگى شاكىرتاقى مولشەرى شامامەن 55 مىڭ تەڭگەنى قۇرايدى. بۇل سوماعا پەداگوگيكالىق ماماندىقتارعا بەرىلەتىن قوسىمشا ۇستەمەلەر كىرمەيدى.
