تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين قازاقستانداعى ينتەرنەت ساپاسى تۋرالى سۇراقتارعا جاۋاپ بەردى. بۇل تۋرالى ول ۇكىمەت قاۋلىسىندا ايتتى، دەپ حابارلايدى “ادىرنا” ۇلتتىق پورتالى.
قازاقستاندىقتار كەيبىر ايماقتاردا ينتەرنەتتىڭ باياۋلىعىنا،ناشار بايلانىس پەن جاھاندىق جەلىلەرگە مۇلدە قوسىلمايتىنىن ايتىپ شاعىمدانۋدا. ال مينيستر ەلىمىزدە ينتەرنەتتىڭ ساپاسى جاقسى جانە ءبارى سايكەس كەلەدى دەپ ەسەپتەيدى.
«قانداي دا ءبىر ستاتيستيكا كەلتىرسەم، قازاقستان ينتەرنەت باعاسى بويىنشا سوڭعى ورىنداردا تۇر. ساپاسى بويىنشا دا ەڭ ۇزدىگى ەمەسپىز، ورتاشامىز دەپ ايتۋعا بولادى. جەكە وزىمە ەلدەگى ينتەرنەت ۇنايدى، ويتكەنى كوپتەگەن ەلگە ساپارلاپ بارعاندا ونداعى بايلانىستىڭ جاي-كۇيىن كورىپ ءجۇرمىن. مەنىڭ پىكىرىمشە، قازاقستاندا قولايلى باعاعا قولايلى ينتەرنەت بار»، - دەدى باعدات مۋسين ۇكىمەت كۋلۋارىندا.
سونىمەن بىرگە، مينيستر ەلدەگى ينتەرنەت باعاسى نارىققا تىكەلەي بايلانىستى ەكەنىن، ۆەدومستۆو تاريفتى رەتتەمەيتىنىن ايتتى.
