الماتى وبلىسىندا 2 قاڭتار كۇنى جوعالىپ كەتكەن وتباسى مۇشەلەرى امان-ەسەن تابىلدى، دەپ حابارلايدى “ادىرنا” ءتىلشىسى.
“رەسپۋبليكالىق جەدەل-قۇتقارۋ جاساعى توبى مەن قوناەۆ قالاسى جەدەل-قۇتقارۋ جاساعى بىرىگىپ بارتوعاي سۋ قويماسى جاعىنان فەسەنكوۆ اتىنداعى استروفيزيكا ينستيتۋتىنىڭ وبسەرۆاتورياسىنا جەتپەي 40-قا جۋىق اۆتوكولىك تابىلدى. ادامداردىڭ سانى انىقتالۋدا. الدىن الا مالىمەت بويىنشا زارداپ شەككەندەر جوق. جوعالىپ كەتكەن 7 ادامنان تۇراتىن وتباسى دا سول جەردە ەكەن. كوبىسىنىڭ كولىگىندە جانارماي تاۋسىلىپ قالعان. قازىرگى ۋاقىتتا قۇتقارۋشىلاردىڭ كۇشىمەن اۆتوكولىكتەرگە جانارماي قۇيۋ جانە ادامداردى ماشينالارىمەن كولوننا ارقىلى ەۆاكۋاتسيالاۋ جۇمىستارى جۇرگىزىلۋدە”، – دەلىنگەن حابارلامادا.ەسكە سالايىق، ءبۇتىن وتباسى 2 قاڭتار كۇنى جوعالىپ كەتكەن ەدى. ولار ەڭبەكشىقازاق اۋدانى، شەلەك اۋىلىنان 80 شاقىرىم جەردەگى تاۋلى ايماق تۇرعىندارى.
ۇقساس جاڭالىقتار
