قر ءىىم ۇلتتىق ۇلان قۇراماسىنىڭ ساربازدارى ءبىر كۇندە جوعالعان بالانى تاۋىپ، ەر ادامدى ەسىرتكىمەن ۇستادى.
2024 جىلعى 1 قىركۇيەكتە ۇلتتىق ۇلان اسكەري جاساعى ەلوردانىڭ "الماتى" اۋدانىندا قوعامدىق ءتارتىپتى قورعاۋ بويىنشا جاۋىنگەرلىك قىزمەت اتقارۋ كەزىندە ەسىرتكى زاتىن تاپتى.
ساربازدار جەردەن ەلەكترلىك تاسپامەن ورالعان ورامانى الۋعا تالپىنعان كۇدىكتى ازاماتتى بايقادى.
اسكەري جاساق باستىعى قاتارداعى جاۋىنگەر نۇرتاي ايتباي جانە پاترۋلدەۋشى ساربازدار سانات تۇرعىمباەۆ پەن ماۋلەت جانىمحان بۇل تۋرالى بايلانىس قۇرالدارى ارقىلى دەرەۋ كەزەكشىگە باياندايدى.
— ەر ادام ءبىزدى كورگەندە، ونىڭ مىنەز-قۇلقى بىردەن وزگەرىپ، ارەكەتى كۇدىك تۋدىردى. ءبىز تەكسەرۋ ءۇشىن ودان قۇجاتتارىن ۇسىنۋىن سۇرادىق. سىرتتاي تەكسەرۋ كەزىندە پوليتسەيلەر ازاماتتان قارا ءتۇستى، ەرەكشە ءيىسى بار ۇنتاق پاكەتىن تاپتى. ءتارتىپ ساقشىلارى ءمان-جايدى ودان ءارى ناقتىلاۋ ءۇشىن ورامانى تاركىلەدى، - دەيدى قاتارداعى جاۋىنگەر نۇرتاي ايتباي.
ۇستالعان ازامات ودان ءارى پوليتسيا بولىمىنە جەتكىزىلدى.
وسى كۇنى ساعات 21:30 شاماسىندا تاعى ءبىر وقيعا ورىن الدى. كەلەسى ءبىر اسكەري جاساق باستىعى قاتارداعى نۇرباق قالابەك جانە ونىڭ قاراماعىنداعى پاترۋلشىلەر الماس بەكسەيىت پەن بەكسۇلتان ەسەننەن 6 جاسار بالاسىن تاۋىپ بەرۋلەرىن ءوتىنىپ، ازاماتشا كومەك سۇرايدى.
اسكەري جاساق بىردەن بالانىڭ بولجامدى مالىمەتتەرىن پاترۋلدىك توپ باستىعىنا حابارلايدى. سودان كەيىن ۇلاندىقتار جاقىن ماڭداعى پاترۋلدىك باعىتتاردا شۇعىل ىزدەۋ شارالارىن ۇيىمداستىرادى.
اسكەري قىزمەتشىلەردىڭ جەدەل جانە ۇيلەسىمدى ارەكەتتەرىنىڭ ناتيجەسىندە جوعالعان بالا تابىلىپ، اناسىنا قايتارىلدى. ازاماتشا ءوز كەزەگىندە ۇلتتىق ۇلان جاۋىنگەرلەرىنە ىزدەۋدى جەدەل ۇيىمداستىرعانى جانە كاسىبي كومەكتەرى ءۇشىن العىس ايتتى.
