"الداعى 2023 جىلى دوستاستىقتا ورىس ءتىلى جىلى اتاپ وتىلەدى". بۇل پىكىردى قر پرەزيدەنتى قاسىم-جومارت توقاەۆ تمد-عا مۇشە مەملەكەتتەر باسشىلارىنىڭ بەيرەسمي كەزدەسۋىندە مالىمدەدى، دەپ جازادى "ادىرنا" ۇلتتىق پورتالى.
"جالپى مادەني-گۋمانيتارلىق ىنتىماقتاستىق پەن تمد كەڭىستىگىندەگى تىلدىك كەڭىستىكتى نىعايتۋدىڭ تۇراقتى ماڭىزى بار. ارينە، بۇل جەردە ورىس ءتىلىنىڭ ءرولى ەشبىر كۇمان تۋدىرمايدى", - دەدى قاسىم-جومارت توقاەۆ.
توقاەۆ 2023 جىلى سانكت-پەتەربۋرگكە دوستاستىقتىڭ مادەني استاناسى رەسمي مارتەبەسىن بەرۋ تمد ەلدەرى اراسىنداعى مادەني بايلانىستاردى نىعايتۋعا قىزمەت ەتەتىنىنە سەنىم ءبىلدىردى.
ء"بىز مەملەكەتتەرىمىزدىڭ مۇددەلەرىنە ساي كەلەتىن اقپاراتتىق كۇن ءتارتىبىن بىرلەسىپ ويلاستىرامىز دەپ ويلايمىن. الداعى 2023 جىلى دوستاستىقتا ورىس ءتىلى جىلى اتالىپ وتەدى. قازاقستاننىڭ تمد اياسىندا ورىس ءتىلىن قولداۋ جونىندەگى حالىقارالىق ۇيىم قۇرۋ تۋرالى باستاماسى ءىس جۇزىندە داميتىن بولادى",- دەدى توقاەۆ.
"ادىرنا" ۇلتتىق پورتالى
