"Aldaǵy 2023 jyly Dostastyqta orys tili jyly atap ótiledi". Bul pikirdi QR Prezıdenti Qasym-Jomart Toqaev TMD-ǵa múshe memleketter basshylarynyń beıresmı kezdesýinde málimdedi, dep jazady "Adyrna" ulttyq portaly.
"Jalpy mádenı-gýmanıtarlyq yntymaqtastyq pen TMD keńistigindegi tildik keńistikti nyǵaıtýdyń turaqty mańyzy bar. Árıne, bul jerde orys tiliniń róli eshbir kúmán týdyrmaıdy", - dedi Qasym-Jomart Toqaev.
Toqaev 2023 jyly Sankt-Peterbýrgke Dostastyqtyń mádenı astanasy resmı mártebesin berý TMD elderi arasyndaǵy mádenı baılanystardy nyǵaıtýǵa qyzmet etetinine senim bildirdi.
"Biz memleketterimizdiń múddelerine saı keletin aqparattyq kún tártibin birlesip oılastyramyz dep oılaımyn. Aldaǵy 2023 jyly Dostastyqta orys tili jyly atalyp ótedi. Qazaqstannyń TMD aıasynda orys tilin qoldaý jónindegi halyqaralyq uıym qurý týraly bastamasy is júzinde damıtyn bolady",- dedi Toqaev.
"Adyrna" ulttyq portaly
