"ەلۆيرا ابىلحاسىمقىزى ازيموۆا قازاقستان رەسپۋبليكاسى كونستيتۋتسيالىق سوتىنىڭ توراعاسى لاۋازىمىنا 2023 جىلعى 1 قاڭتاردان باستاپ تاعايىندالسىن", - دەلىنگەن پرەزيدەنت جارلىعىندا.
پرەزيدەنت كونستيتۋتسيالىق سوتتىڭ كادرلىق قۇرامىن جاساقتاۋ كەزىندە ساباقتاستىق ساقتالۋعا ءتيىس ەكەنىن ايتا كەلىپ، جاڭا ورگاننىڭ توراعاسىنا ايرىقشا مىندەت جۇكتەلەتىنىنە نازار اۋداردى. وسى رەتتە مەملەكەت باسشىسى وسى جاۋاپتى قىزمەتكە ەلۆيرا ابىلحاسىمقىزى ازيموۆانى ۇسىندى.
"ەلۆيرا ابىلحاسىمقىزى – تاجىريبەلى، بىلىكتى مامان. زاڭ شىعارۋ جۇمىسىن، حالىقارالىق قۇقىق سالاسىن وتە جاقسى بىلەدى. ول 20 جىلدان استام ۋاقىت ادىلەت مينيسترلىگىندە ەڭبەك ەتتى. قاتارداعى قىزمەتكەردەن ءمينيستردىڭ ورىنباسارى لاۋازىمىنا دەيىن كوتەرىلدى. 2019 جىلدان بەرى ادام قۇقىقتارى جونىندەگى ۋاكىل قىزمەتىن اتقارىپ كەلەدى. سىزدەردەن ەلۆيرا ابىلحاسىمقىزى ازيموۆانى ادام قۇقىقتارى جونىندەگى ۋاكىل لاۋازىمىنان بوساتىپ، كونستيتۋتسيالىق سوتتىڭ توراعاسى لاۋازىمىنا تاعايىنداۋعا كەلىسىم بەرۋدى سۇرايمىن", – دەدى مەملەكەت باسشىسى سەنات وتىرىسىندا.
سەنات دەپۋتاتتارى اشىق داۋىس بەرۋ ارقىلى ەلۆيرا ابىلحاسىمقىزى ازيموۆانىڭ كانديداتۋراسىن ءبىراۋىزدان قولدادى.
"ادىرنا" ۇلتتىق پورتالى
