ۇستازىن جامانداعان بالا - وڭبايدى 

3159
Adyrna.kz Telegram

كەيدە مۇعالىم قاۋىمعا جانىم اشىپ كەتەدى. اۋزى جەسە دە -قان، جەمەسە دە - قان بولىپ جۇرگەنى.
ۇستاز دەگەن جان - بۇگىنگى كۇنى كىم كورىنگەننىڭ قولجاۋلىعى بولىپ كەتكەنىن مويىنداۋ كەرەك.
✔️انشىلەر كونتسەرتىندەگى زالدى تولتىرۋ ءۇشىن - اكىمدەر "بيلەتتى" مۇعالىمدەرگە ارتا سالادى. وتىرىك دەپ كورشى؟
✔️ گازەت-جۋرنالداردى تاعى وسى مۇعالىمدەردىڭ ايلىعىنان ۇستاپ قالادى.
✔️اۋىل-ايماقتا جينالىس، كەزدەسۋ وتسە - تاعى مۇعالىم سۇمىرەيىپ سول زالدى تولتىرىپ وتىرادى.
✔️باي-باعلاننىڭ ۇل-قىزدارىنا ايقايلاپ كورسىنشى، 3 سەكۋندتا جۇمىستان قۋىلادى
✔️سەنبىلىك جۇمىستاردا قولىنا سىپىرتقىسى مەن كۇرەگىن ۇستاعان سول مۇعالىم.
✔️مەكتەپتە قىزدار جۇكتى بولىپ قالسا، ۇستازدار كوزدەرىنەن جاستارى سورعالاپ تەرگەۋشىنىڭ الدىندا جاۋاپ بەرىپ جۇرەدى.

سوندا دەيمىن دە،  "ۇستاز" دەگەن بۇل ەلدە سونداي سورلى xالىق بولعانى ما؟! نەگە قيت ەتسە بولدى مۇعالىمدى كىنالاۋعا دايىنبىز؟ نەگە؟!
ءبىلىم ءمينيسترى ساعاديەۆ مىرزا، مەن ءسىزدىڭ ورنىڭىزدا بولسام قاراماعىمداعى مۇعالىمدەردى تەرگەمەي، سول نارسەگە يتەرمەلەگەن، ساباقتىڭ ۇستىندە قاشىپ-پىسىپ جۇرگەن وقۋشىلارمەن جۇمىس جاسار ەدىم.
بىلە بىلسەڭىز، مۇعالىم دە - ەت پەن سۇيەكتەن جاسالعان ادام. ول دا ءبىر ءسات بويىن جازىپ دەمالعىسى كەلەدى. كەشەگى بولعان دەنە شىنىقتىرۋ ءپانى مۇعالىمىنە جانىم اشىپ كەتتى. نەسى بار ەدى بۇلاردى تاربيەلەپ؟ جاقسىلىقتى تۇسىنبەيتىندەرگە ءسوزىڭدى شىعىن ەتۋدىڭ قاجەتى شامالى. نەگىزى بۇل كىسى مىنا بالالاردان ابدەن قورلىق كورگەن ەكەن. ساباققا قاتىسپاعانى ءۇشىن كوللەدجدىڭ ديرەكتورىنان تالاي سوگىس الىپتى. سول كۇنى مىنا ەكى ستۋدەنت ەمتيxانعا قاتىسپاي، ارەڭ تاپقان دەيدى. ال فيزرۋك بۇل ەكەۋى ءۇشىن ۇرىس ەستىپ، ستۋدەنتتەرىن قورعاشتاعان. مىنە، ەندى سوڭى نەمەن اياقتالعانى؟ ۇستازىن ۆيدەوعا ءتۇسىرىپ، الەۋمەتتىك جەلىگە لاقتىرىپ، رەزونانس جاسالدى. ناتيجەسىندە فيزرۋك جۇمىستان قۋىلىپ، ۇستىنەن قىلمىستىق ءىس قوزعالۋدا. ءسوزىم جوق🤦‍♀️.
Ps: مىنا ۆيدەوداعى اكەگە قاتتى ىرزا بولدىم. مۇعالىمى مىناداي ءسوزدى ەستىپ جىلاپ تا جىبەرگەن بولار؟ "سۇيەگى - مەنىكى، ەتى - سىزدىكى. بالام كىنالى مە؟ اياماڭىز!" دەيدى.
اتا-انالار!
بالالارىڭىزدى قازىردەن باستاپ بالەقور، ارىزقوي ەتىپ تاربيەلەمىڭىزدەرشى، ءوتىنىش؟! وتانىن ساتاتىندار سوندايلاردان شىعادى.
ال، مۇعالىمدەر:
مەكتەپكە، وقۋ ورنىنا وقۋشىلارىڭىز كىردى مە؟ قولىنداعى سمارتفونىن ءبىر كوروبكاعا سالدىرتىڭىز!
بالا - ءبىلىم الۋ ءۇشىن وقۋعا باراتىنىن ەسكەرەيىك!

بيبىگۇل داۋلەتبەكقىزى

 

 

[video width="320" height="400" mp4="https://adyrna.kz/content/uploads/2019/01/50678096_2259875184274707_8363196727208968192_n.mp4"][/video]

 

پىكىرلەر