Keıde muǵalim qaýymǵa janym ashyp ketedi. Aýzy jese de -qan, jemese de - qan bolyp júrgeni.
Ustaz degen jan - búgingi kúni kim kóringenniń qoljaýlyǵy bolyp ketkenin moıyndaý kerek.
✔️Ánshiler konertindegi zaldy toltyrý úshin - ákimder "bıletti" muǵalimderge arta salady. Ótirik dep kórshi?
✔️ Gazet-jýrnaldardy taǵy osy muǵalimderdiń aılyǵynan ustap qalady.
✔️Aýyl-aımaqta jınalys, kezdesý ótse - taǵy muǵalim súmireıip sol zaldy toltyryp otyrady.
✔️Baı-baǵlannyń ul-qyzdaryna aıqaılap kórsinshi, 3 sekýndta jumystan qýylady
✔️Senbilik jumystarda qolyna sypyrtqysy men kúregin ustaǵan sol muǵalim.
✔️Mektepte qyzdar júkti bolyp qalsa, ustazdar kózderinen jastary sorǵalap tergeýshiniń aldynda jaýap berip júredi.
Sonda deımin de, "Ustaz" degen bul elde sondaı sorly xalyq bolǵany ma?! Nege qıt etse boldy muǵalimdi kinálaýǵa daıynbyz? Nege?!
Bilim mınıstri Saǵadıev myrza, men Sizdiń ornyńyzda bolsam qaramaǵymdaǵy muǵalimderdi tergemeı, sol nársege ıtermelegen, sabaqtyń ústinde qashyp-pysyp júrgen oqýshylarmen jumys jasar edim.
Bile bilseńiz, muǵalim de - et pen súıekten jasalǵan Adam. Ol da bir sát boıyn jazyp demalǵysy keledi. Keshegi bolǵan dene shynyqtyrý páni muǵalimine janym ashyp ketti. Nesi bar edi bulardy tárbıelep? Jaqsylyqty túsinbeıtinderge sózińdi shyǵyn etýdiń qajeti shamaly. Negizi bul kisi myna balalardan ábden qorlyq kórgen eken. Sabaqqa qatyspaǵany úshin kolledjdiń dırektorynan talaı sógis alypty. Sol kúni myna eki stýdent emtıxanǵa qatyspaı, áreń tapqan deıdi. Al fızrýk bul ekeýi úshin urys estip, stýdentterin qorǵashtaǵan. Mine, endi sońy nemen aıaqtalǵany? Ustazyn vıdeoǵa túsirip, áleýmettik jelige laqtyryp, rezonans jasaldy. Nátıjesinde fızrýk jumystan qýylyp, ústinen qylmystyq is qozǵalýda. Sózim joq🤦♀️.
Ps: myna vıdeodaǵy Ákege qatty yrza boldym. Muǵalimi mynadaı sózdi estip jylap ta jibergen bolar? "Súıegi - meniki, eti - Sizdiki. Balam kináli me? Aıamańyz!" deıdi.
Ata-analar!
Balalaryńyzdy qazirden bastap báleqor, aryzqoı etip tárbıelemińizdershi, ótinish?! Otanyn satatyndar sondaılardan shyǵady.
Al, muǵalimder:
Mektepke, oqý ornyna oqýshylaryńyz kirdi me? Qolyndaǵy smartfonyn bir korobkaǵa saldyrtyńyz!
Bala - bilim alý úshin oqýǵa baratynyn eskereıik!
Bıbigúl Dáýletbekqyzy
[video width="320" height="400" mp4="https://adyrna.kz/content/uploads/2019/01/50678096_2259875184274707_8363196727208968192_n.mp4"][/video]
