قازاق اقپاراتتىق كەڭىستىگىندە كيەلى قوبىزعا ءۇن قوسىپ، قازاقتىڭ قازىرگى كورگەن مۇڭ-مۇقتاجىن، "قاڭتار" وقيعاسىنىڭ شىندىعىن، العاشقى پرەزيدەنت ءاليحان بوكەيحان ەكەندىگىن اشىق ايتقان جىراۋ بوكەن جىگەر قالىڭ كوپشىلىكتى سەلت ەتكىزدى. اقىنىڭ وتكىردىڭ ءجۇزى، كەستەنىڭ ءبىزى، ءمىردىڭ وعىنداي تارتىستى، ارىندى تىركەستەرىن تىڭداعان جۇرت كوزىنە جاس الدى. ءتىپتى، ايتىسكەر اقىن رينات زايتوۆتىڭ كوڭىلى بوسادى، دەپ حابارلايدى "ادىرنا" ۇلتتىق پورتالى حابارلادى.
قىزىلجارلىق اقىن بوكەن جىگەر "حابار" ارناسىندا وتكەن "اسىل دومبىرا" باعدارلاماسىندا كوپشىلىكتى ەلەڭ ەتكىزدى. مىنبەردەن باتىل ءسوز ايتىپ، شىندىقتى سويلەدى. ەفير بارىسىندا ەسكى سارىنمەن جاڭا قازاقستاننىڭ جايىنا قاتىستى:
"جاپ-جاڭا قازاقستانىم،
جاقسىلىعىڭا جارشى ەدىم.
جاۋىڭ كەلسە جالماڭداپ،
جان-تانىممەن قارسى ەدىم.
ەي،..
ويتكەنى مەن كەشەگى اتقان تاڭدى ۇرەيمەنەن قارسى العان،
تاۋەلسىزدىك دەپ جار سالعان.
تۇڭعىش ەلباسىم ءاليحاننان
سورعالاپ تۇسكەن تامشى ەدىم...
ەي،...
كەشەگى وتكەن قاڭتاردا،
جازىقسىز ولگەن جانداردىڭ،
ارتىندا قالعان وعلانى،
زاماندا زامان بولعاندا
قاناتى قاتىپ تولعاندا
كەگىمدى كىمنەن الام دەسە،
قايتەمىن!؟" - دەپ جىر ءوردى اقىن.
"ادىرنا" ۇلتتىق پورتالى
