سينوپتيكتەر قازاقستاننىڭ ءۇش وبلىسىندا داۋىلدى ەسكەرتۋ جاريالادى. بۇل تۋرالى قازگيدرومەت مالىمدەدى، دەپ حابارلايدى “ادىرنا” ۇلتتىق پورتالى.
«جامبىل وبلىسىنىڭ وڭتۇستىگىندە جانە تاۋلى ايماقتارىندا تۇمان تۇسەدى. سولتۇستىك-شىعىستان سوعاتىن جەل وبلىستىڭ وڭتۇستىك-باتىسىندا، سولتۇستىك-شىعىسىندا، تاۋلى ايماقتارىندا 15-20 م/س، 26 جەلتوقساندا تۇندە ەكپىنى 25 م/س-قا دەيىن بارادى. تاراز قالاسىندا بۇل كۇنى كەي جەرلەردە تۇمان تۇسەدى»، - دەپ حابارلادى قازگيدرومەت.
تۇندە قىزىلوردا وبلىسىندا شىعىستان جەل سوعادى، وڭتۇستىك-شىعىستان سوعاتىن جەلدىڭ كۇشى وبلىس ورتالىعىندا 15-20 م/س بولادى دەپ كۇتىلەدى. تۇندە قىزىلوردا قالاسىندا شىعىستان سوعاتىن جەلدىڭ ەكپىنى 15 م/س بولادى.
وڭتۇستىكتە، تۇركىستان وبلىسىنىڭ تاۋ بوكتەرىندە تۇمان تۇسەدى. شىعىستان جەل سوعادى، وبلىستىڭ سولتۇستىگىندە وڭتۇستىك-شىعىستان جەل سوعادى، تاۋلى ايماقتاردا ەكپىنى - 15-20 م/س جەتەدى.
