قازاقتىڭ ءتول اتاجۇرتىندا تاپجىلماي مەكەن ەتىپ، الماعايىپ زاماندا شەكارا سىرتىندا قالىپ قالعان قانداستارىمىزدىڭ ءبىر توبى ەلگە ورالدى. جات ەلدىڭ قۇرامىندا قالعان قازاق اتاجۇرتىنان ورالعان اعايىندار كوزىنە جاس الىپ، تۋعان-تۋىس، ءوز قازاعىمەن قاۋىشىپ جاتىر. شىعىس تۇركىستان، ءۇرىمجى، توپىراعىنان جەتكەن قازاقتاردىڭ ەلگە كەلۋىن "ادىرنا" ۇلتتىق پورتالى سۇيىنشىلەيدى.
قۋانىشتى جاڭالىقتى قازاق ەلىنىڭ سولتۇستىگىن قازاققا تولتىرۋ ماقساتىندا تاباندى ەڭبەك ەتىپ جۇرگەن بۋراحان داحانوۆ جەتكىزدى.
ال ءسۇيىنشى اعايىن، كۇنشىعىستان كوش قوزعالدى. كەشەلەرى، قىتايدان، ءۇرىمجى قالاسىنان ەلىم- جەرىم دەپ ءبىرشاما قانداس، اعايىنىمىز ەلگە جەتكەن ەكەن.. ەلىم مەنىڭدى ايتىپ، قۋانىپ وتىرعاندارىن قاراڭىزدارشى.. ەلگە ەل قوسىلسا قۇت دەيدى، قۇتتى بولسىن اعايىن. اتامەكەنگە قوش كەلدىڭىزدەر. ءوسىپ — ءونىپ وركەندەپ كەتۋلەرىڭىزدى تىلەيمىن... - دەدى جازبا اۆتورى.
سونىمەن قاتار، بۋراحان داحانوۆ كوكتەم شىعىسىمەن ەلگە ورالاتىن قانداستاردىڭ لەگى ارتاتىنىن حابارلادى. پاكىستان توپىراعىندا قالعان 300-دەن استام قازاقتىڭ قيىن جاعدايىنان ءسوز ەتتى.
بۇيىرسا، جەر قارايعان ۋاقىتتان باستاپ كورشىلەس جاتقان موڭعوليا، قىتاي، وزبەكستان، تۇركىمەنستان، يران جانە رەسەيدەن كەلەتىن قانداستار لەگى كوبەيەيىن دەپ تۇر. ءۇمىتسىز شايتان دەمەكشى، سووناۋ پاكىستاننان اتامەكەنگە جەتە الماي جاتقان 300-دەن استام قانداسىمىز جانە بار. وسىعان وراي، كوشى قونعا رەسمي جاۋاپ بەرەتىن يلياس يسپانوۆ مىرزاعا، وتانداستار قورىنىڭ توراعاسى Abzal Saparbekuly مىرزاعا.. پرەزيدەنتىمىز قاسىم- جومارت توقاەۆتىڭ كوشى قوندى رەتتەۋ، قانداستاردى جايعاستىرۋ، اۋىلداردى كوتەرۋ دەگەن تاپسىرماسىنا وراي، سىزدەردەن: شەت ەلدەن كەلەتىن قانداستارىمىزدى كۆاليفيكاتسياسىنا، پوتەنتسيالىنا قاراي ەلىمىزدىڭ تۇكپىر — تۇكپىرىنە باعىتتاپ وتىراتىن نەگىزگى ورتالىقتىڭ جۇمىسىن جاندادىرۋدى، شەت ەلدەن كەلەم دەپ، حابارلاسىپ، ەلشىلىكتەرمەن بايلانىسقا شىعىپ جاتقان قانداستارىمىزدى بىردەن سولتۇستىك قازاقستانعا كوشۋلەرىنە ۇگىت ناسيحات جۇرگىزۋدى،(ۇگىت ناسيحات بارىسىندا باردى بار، جوقتى جوق دەپ ايتىلسىن), نەمەسە، مىڭ ەستىگەننەن ءبىر كورگەن جاقسى دەگەندەي، وتاعالارىن جيناپ تەرىسكەيدى ءبىر ارالاتۋ سىندى ءىس ارەكەتتەر ۇيىمداستىرۋدى جانە ەلگە كەلىپ، سولتۇستىك وڭىرلەرگە كوشۋگە نيەت ەتكەن ازاماتتارعا ارنايى جەڭىلدىكتەر مەن سۋبسيديالار پاكەتىن دايىنداۋدى، شەت ەلدەن كەلگەن قانداستاردىڭ ازاماتتىق الۋ تەتىكتەرىن جەڭىلدەتۋ، ايدالاعا سابىلتپاي قۇجات ماسەلەلەرىن وسى سولتۇستىكتە اق شەشۋ تەتىكتەرىن قاراستىرۋدى جانە وبلىس باسشىلىعىمەن بىرلەسە وتىرىپ —كوشىپ كەلگەن قانداستاردى توپ— توپقا ءبولىپ، تىم بولماسا 7-8 وتباسىمەن ءبىر اۋىلعا شوعىرلاندىرۋ مۇمكىندىكتەرىن ويلاستىرۋلارىڭىزدى سۇرايمىن. تەرىسكەي بىزگە امانات، - دەدى اۆتور.
"ادىرنا" ۇلتتىق پورتالى
